romanATTHA book 2 Page 536.

{810} Pancame. Atigambhiram udakasuddhikam adiyatiti atianto pavesetva udakadhovanam kurumana. {812} Kesaggamattampi atikkametiti vittharato tatiyam va catuttham va angulim gambhirato dvinnam pabbanam upari kesaggamattampi pavesentiya pacittiyanti attho. Vuttam hetam mahapaccariyam ekaccissa anguliya tini pabbani adatum na labhati tinnam va catunnam va ekampi pabbam adatum na labhatiti. Sesam uttanameva. Samutthanadinipi talaghatake vuttasadisanevati. Pancamasikkhapadam. {815} Chatthe. Bhattavissagganti bhattakiccam. Paniyena ca vidhupanena ca upatitthitvati ekena hatthena paniyathalakam ekena vijanim gahetva vijamana samipe thatvati attho. Accavadatiti pubbepi tumhe evam bhunjatha aham evam upatthanam karomiti pabbajitacarittam atikkamitva gehasitakatham kathetiti attho. {817} Yankinci paniyanti suddhaudakam va hotu takkadadhimadhurasakhiradinam va annataram. Yakaci vijaniti antamaso civarakannopi. Hatthapase titthati apatti pacittiyassati idha thanapaccayava pacittiyam vuttam. Paharapaccaya pana khandhake dukkatam pannattam. {819} Deti dapetiti paniyam va supadim va imam pivatha imina bhunjathati deti. Talavantam imina vijanto bhunjati deti. Annena va ubhayampi dapeti anapatti. Anupasampannam anapetiti upatitthapanattham samanerim anapeti anapatti. Sesam uttanameva. Elakalomasamutthanam kiriya

The Pali Atthakatha in Roman Character Volume 2 Page 536. http://84000.org/tipitaka/read/attha_page.php?book=2&page=536&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11280&modeTY=2&pagebreak=1 http://84000.org/tipitaka/atthapali/rm_line.php?B=2&A=11280&modeTY=2&pagebreak=1#p536