บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๕๔๒.
{๘๕๐-๘๕๓} จตุตฺเถ ฯ นิกฺกณฺณิกนฺติ ๑- กณฺณมูลํ วุจฺจติ ฯ กณฺณมูเล ชปฺเปยฺยาติ วุตฺตํ โหติ ฯ สติ กรณีเยติ สลากภตฺตาทีนํ อาหรณตฺถาย วิหาเร วา ทุนฺนิกฺขิตฺตปฏิสามนตฺถาย ฯ เสสํ อุตฺตานเมว ฯ สมุฏฺฐานาทิ ปุริมสทิสเมวาติ ฯ จตุตฺถสิกฺขาปทํ ฯ {๘๕๔} ปญฺจเม ฯ ฆรํ โสเธนฺตาติ เตสํ กิร เอตทโหสิ เถริยา โกจิ กายิกวาจสิโก วีติกฺกโม น ทิสฺสติ ฆรํปิ ตาว โสเธมาติ ตโต ฆรํ โสเธนฺตา นํ อทฺทสํสุ ฯ {๘๕๖} อโนวสฺสิกํ อติกฺกมนฺติยาติ ปฐมปาทํ อติกฺกาเมนฺติยา ทุกฺกฏํ ทุติยํ อติกฺกาเมนฺติยา ปาจิตฺติยํ ฯ อุปจาราติกฺกเมปิ เอเสว นโย ฯ {๘๕๘} คิลานายาติ ตาทิเสน เคลญฺเญน อาปุจฺฉิตุํ น สกฺโกติ ฯ อาปทาสูติ ฆเร อคฺคิ วา อุฏฺฐิโต โหติ โจรา วา เอวรูเป อุปทฺทเว อนาปุจฺฉา ปกฺกมติ อนาปตฺติ ฯ เสสเมตฺถ อุตฺตานเมว ฯ กฐินสมุฏฺฐานํ กายวาจโต กายวาจาจิตฺตโต จ สมุฏฺฐาติ กิริยากิริยํ โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ปญฺจมสิกฺขาปทํ ฯ {๘๖๐} ฉฏฺเฐ ฯ อภินิสีเทยฺยาติ นิสีเทยฺย ฯ นิสีทิตฺวา คจฺฉนฺติยา เอกา อาปตฺติ ฯ อนิสีทิตฺวา นิปชฺชิตฺวา คจฺฉนฺติยา เอกา ฯ นิสีทิตฺวา นิปชฺชนฺติยา เทฺว ฯ {๘๖๓} ธุวปญฺญตฺเตติ ภิกฺขุนีนํ อตฺถาย นิจฺจปฺปญฺญตฺเต ฯ @เชิงอรรถ: ๑. กณฺเณน สวนํ กณฺณิกํ ฯ นิกฺขนฺตํ กณฺณิกํ เอตสฺมาติ นิกฺกณฺณิกํ ฯ กินฺตํ ฯ @ชปฺปนํ ฯ ชปฺเปยฺยาติ ปเท กิริยาวิเสสนเมตนฺติ อมฺหากํ มติ.เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๔๒. http://84000.org/tipitaka/read/attha_page.php?book=2&page=542&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11407&modeTY=2&pagebreak=1 http://84000.org/tipitaka/atthapali/th_line.php?B=2&A=11407&modeTY=2&pagebreak=1#p542
จบการแสดงผล หน้าที่ ๕๔๒.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]