romanATTHA book 2 Page 547.

Nāma ye naccanti. Laṅghikā nāma ye vaṃsavarattādīsu laṅghanakammaṃ karonti. Sokajjhāyikā nāma māyākārā. Kumbhathūnikā nāma ghaṭakena kīḷanakā. Bibbisaṃkavādakātipi vadanti. Deti āpatti pācittiyassāti ettha cīvaragaṇanāya āpattiyo veditabbā. Sesaṃ uttānameva. Chassamuṭṭhānaṃ kiriyā nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Aṭṭhamaṃ. {921-924} Navame. Dubbalacīvarapaccāsāyāti dubbalāya cīvarapaccāsāya. Ānisaṃsanti kiñcāpi na mayaṃ ayye sakkomāti vadanti idāni tesaṃ kappāso āgamissati saddho pasanno puriso āgamissati addhā dassatīti evaṃ ānisaṃsaṃ dassetvā nivārentiyā anāpatti. Sesaṃ uttānameva. Tisamuṭṭhānaṃ kiriyā saññāvimokkhaṃ sacittakaṃ lokavajjaṃ kāyakammaṃ vacīkammaṃ akusalacittaṃ tivedananti. Navamaṃ. {927} Dasame. Kaṭhinuddhāraṃ na dassantīti ettha kīdiso kaṭhinuddhāro dātabbo kīdiso na dātabbo. Yassa atthāramūlako mahānisaṃso ubbhāramūlako appo evarūpo na dātabbo. Yassa pana atthāramūlako appānisaṃso ubbhāramūlako mahā evarūpo dātabbo. Samānisaṃsopi saddhāparipālanatthaṃ dātabbova. {931} Ānisaṃsanti bhikkhunīsaṅgho jiṇṇacīvaro kaṭhinānisaṃsamūlako mahālābhoti evarūpaṃ ānisaṃsaṃ dassetvā paṭibāhantiyā anāpatti. Sesaṃ

The Pali Atthakatha in Roman Character Volume 2 Page 547. http://84000.org/tipitaka/read/attha_page.php?book=2&page=547&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11511&pagebreak=1 http://84000.org/tipitaka/atthapali/rm_line.php?B=2&A=11511&pagebreak=1#p547