romanATTHA book 2 Page 550.

Dukkhavedananti. Chaṭṭhaṃ. {961} Sattamaṭṭhamanavamesu sabbaṃ uttānameva. Sabbāni eḷakalomasamuṭṭhānāni kiriyā nosaññāvimokkhāni acittakāni paṇṇattivajjāni kāyakammāni ticittāni tivedanānīti. Sattamaṭṭhamanavamāni. {973} Dasame. Āhundarikāti sambādhā. {975} Dhuraṃ nikkhittamatteti sacepi dhuraṃ nikkhipitvā pacchā pakkamati āpattiyevāti attho. Pavāretvā pañca yojanāni gacchantiyāpi anāpatti. Chasu vattabbameva natthi. Sace pana tīṇi gantvā teneva maggena paccāgacchati na vaṭṭati. Aññena maggena āgantuṃ vaṭṭati. {976} Antarāyeti dasavidhe antarāye. Gacchissāmīti nikkhantā nadīpūro pana āgato corā vā magge honti megho vā uṭṭhāti nivattituṃ vaṭṭati. Sesaṃ uttānameva. Paṭhamapārājikasamuṭṭhānaṃ akiriyā saññāvimokkhaṃ sacittakaṃ lokavajjaṃ kāyakammaṃ akusalacittaṃ dukkhavedananti. Dasamaṃ. Tuvaṭṭavaggo catuttho. {978} Cittāgāravaggassa paṭhamasikkhāpade. Rājāgāranti rañño kīḷāgāraṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharinti kīḷāpokkharaṇiṃ tasmāyeva padabhājane yattha katthaci rañño kīḷituntiādi vuttaṃ. Dassanāya

The Pali Atthakatha in Roman Character Volume 2 Page 550. http://84000.org/tipitaka/read/attha_page.php?book=2&page=550&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11574&pagebreak=1 http://84000.org/tipitaka/atthapali/rm_line.php?B=2&A=11574&pagebreak=1#p550