อรรถกถาเล่มที่ ๒ หน้าที่ ๕๕๖.

อวณฺณนฺติ ภิกฺขุนิโย ทุสฺสีลา ปาปธมฺมาติ ฯ {๑๐๔๕} สนฺตํเยว อาทีนวนฺติ กุลสฺส วา ภิกฺขุนีนํ วา สนฺตํ อคุณํ ฯ เสสํ อุตฺตานเมว ฯ ติสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ปญฺจมํ ฯ {๑๐๔๘} ฉฏฺเฐ ฯ โอวาทายาติ ครุธมฺมตฺถาย ฯ สํวาสายาติ อุโปสถปฺปวารณาปุจฺฉนตฺถาย ฯ อยเมตฺถ สงฺเขโป ฯ วิตฺถาโร ปน ภิกฺขุโนวาทกสิกฺขาปทวณฺณนายํ วุตฺโตเยว ฯ เอฬกโลมสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ ฉฏฺฐํ ฯ {๑๐๕๓} สตฺตเม ฯ ปริเยสิตฺวา น ลภตีติ ภิกฺขุนึ น ลภติ ฯ เสสํ อุตฺตานเมว ฯ อิมิสฺสาปิ วิตฺถาโร ภิกฺขุโนวาทเก วุตฺโตเยว ฯ ธุรนิกฺเขปสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ สตฺตมํ ฯ {๑๐๕๖} อฏฺฐเม ฯ เอกกมฺมนฺติอาทีหิ อุโปสถปฺปวารณาเยว วุตฺตา ฯ เสสํ อุตฺตานเมว ฯ อิมิสฺสาปิ วิตฺถาโร ภิกฺขุโนวาทเก วุตฺโตเยว ฯ ปฐมปาราชิกสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ อกุสลจิตฺตํ ทุกฺขเวทนนฺติ ฯ อฏฺฐมํ ฯ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๕๖. http://84000.org/tipitaka/read/attha_page.php?book=2&page=556&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11700&modeTY=2&pagebreak=1 http://84000.org/tipitaka/atthapali/th_line.php?B=2&A=11700&modeTY=2&pagebreak=1#p556