romanATTHA book 2 Page 557.

{1058} Navame sabbaṃ uttānameva. Imissāpi vitthāro bhikkhunovādake vuttoyeva. Dhuranikkhepasamuṭṭhānaṃ akiriyā saññāvimokkhaṃ sacittakaṃ lokavajjaṃ kāyakamamaṃ vacīkammaṃ akusalacittaṃ dukkhavedananti. Navamaṃ. {1062} Dasame. Pasākheti adhokāye. Adhokāyo hi yasmā tato rukkhassa sākhā viya ubho ūrū pabhijjitvā gatā tasmā pasākhāti vuccati. {1065} Bhindātiādīsu sace bhinda phālehīti sabbāni āṇāpeti so ca tatheva karoti cha āṇattidukkaṭāni cha ca pācittiyāni āpajjati. Athāpi evaṃ āṇāpeti upāsaka yaṅkiñci ettha kātabbaṃ taṃ sabbaṃ karohīti. So ca sabbānipi bhedanādīni karoti. Ekavācāya cha dukkaṭāni cha pācittiyānīti dvādasa āpattiyo. Sace pana bhedanādīsu ekaṃyeva vatvā imaṃ karohīti āṇāpeti so ca sabbāni karoti yaṃ āṇattaṃ tasseva karaṇe pācittiyaṃ sesesu anāpatti. Sesaṃ uttānameva. Kaṭhinasamuṭṭhānaṃ kiriyākiriyaṃ nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Dasamaṃ. Ārāmavaggo chaṭṭho. {1069} Gabbhinīvaggassa paṭhamasikkhāpade. Āpannasattāti kucchiṃ paviṭṭhasattā. Paṭhamaṃ.

The Pali Atthakatha in Roman Character Volume 2 Page 557. http://84000.org/tipitaka/read/attha_page.php?book=2&page=557&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11721&pagebreak=1 http://84000.org/tipitaka/atthapali/rm_line.php?B=2&A=11721&pagebreak=1#p557