อรรถกถาเล่มที่ ๒ หน้าที่ ๕๕๙.

วุฏฺฐาเปนฺติยา อนาปตฺติ สา ปน อนุปสมฺปนฺนาว โหติ ฯ เสสํ อุตฺตานเมว ฯ ปญฺจมํ ฯ {๑๐๙๕} ฉฏฺเฐ ฯ ทสวสฺสาย คิหิคตาย สิกฺขาสมฺมตึ ทตฺวา ปริปุณฺณทฺวาทสวสฺสํ อุปสมฺปาเทตุํ วฏฺฏติ ฯ ฉฏฺฐํ ฯ {๑๑๐๑} สตฺตเม สพฺพํ อุตฺตานเมว ฯ สมุฏฺฐานาทีนิปิ สพฺเพสุ ทุติเย วุตฺตสทิสาเนว ฯ อยํ ปน วิเสโส ฯ ยตฺถ สมฺมติ อตฺถิ ตตฺถ กิริยากิริยํ โหติ ฯ สตฺตมํ ฯ {๑๑๐๘} อฏฺฐเม ฯ น อนุคฺคณฺหาเปยฺยาติ อิมิสฺสา อยฺเย อุทฺเทสาทีนิ เทหีติ เอวํ อุทฺเทสาทีหิ น อนุคฺคณฺหาเปยฺย ฯ {๑๑๑๐} ปริเยสิตฺวาติ อญฺญํ ปริเยสิตฺวา น ลภติ ฯ สยํ คิลานา โหติ น สกฺโกติ อุทฺเทสาทีนิ ทาตุํ ตสฺสา อนาปตฺติ ฯ เสสํ อุตฺตานเมว ฯ ธุรนิกฺเขปสมุฏฺฐานํ อกิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ อฏฺฐมํ ฯ {๑๑๑๓} นวเม ฯ น อุปฏฺฐเหยฺยาติ จุณฺเณน มตฺติกาย ทนฺตกฏฺเฐน มุโขทเกนาติ เอวํ เตน เตน กรณีเยน น อุปฏฺฐเหยฺย ฯ เสสํ อุตฺตานเมว ฯ ปฐมปาราชิกสมุฏฺฐานํ อกิริยา สญฺญาวิโมกฺขํ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๕๙. http://84000.org/tipitaka/read/attha_page.php?book=2&page=559&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11763&modeTY=2&pagebreak=1 http://84000.org/tipitaka/atthapali/th_line.php?B=2&A=11763&modeTY=2&pagebreak=1#p559