อรรถกถาเล่มที่ ๒ หน้าที่ ๕๖๑.

กุมารีภูตาติปิ วตฺตุํ น วฏฺฏติ ฯ สิกฺขาสมฺมติทานวเสน ปน ติสฺโสปิ สิกฺขมานาติ วตฺตุํ วฏฺฏติ ฯ ตติยํ ฯ {๑๑๓๖} จตุตฺถปญฺจมฉฏฺเฐสุ สพฺพํ อุตฺตานเมว ฯ สพฺพานิ ติสมุฏฺฐานานิ ฯ จตุตฺถํ กิริยา สญฺญาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ปญฺจมํ กิริยากิริยํ สญฺญาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ ยญฺเจตฺถ สงฺเฆน ปริจฺฉินฺทิตพฺพาติ วุตฺตํ ตสฺส อุปปริกฺขิตพฺพาติ อตฺโถ ฯ ฉฏฺฐํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ ยํ ปเนตฺถ ปริจฺฉินฺทิตฺวาติ วุตฺตํ ตสฺส อุปปริกฺขิตฺวาติ อตฺโถ ฯ ฉฏฺฐํ ฯ {๑๑๕๐} สตฺตเม สพฺพํ อุตฺตานเมว ฯ ธุรนิกฺเขปสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ สตฺตมํ ฯ {๑๑๕๔} อฏฺฐเมปิ สพฺพํ อุตฺตานเมว ฯ สมุฏฺฐานาทีนิ อนนฺตรสทิสาเนวาติ ฯ อฏฺฐมํ ฯ {๑๑๕๘} นวเม ฯ โสกวสนฺติ สงฺเกตํ กตฺวา อคจฺฉมานา ปุริสานํ อนฺโต โสกํ ปเวเสตีติ โสกวสา ฯ ตํ โสกวสํ ฯ เตนาห

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๖๑. http://84000.org/tipitaka/read/attha_page.php?book=2&page=561&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11805&modeTY=2&pagebreak=1 http://84000.org/tipitaka/atthapali/th_line.php?B=2&A=11805&modeTY=2&pagebreak=1#p561