บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 564.
Parisāyāti chandaṃ vissajjetvā kāyena vā chandavissajjanamatteneva vā uṭṭhitāya. {1169} Anāpatti avuṭṭhitāya parisāyāti chandaṃ avissajjetvā avuṭṭhitāya anāpatti. Sesaṃ uttānameva. Tisamuṭṭhānaṃ kiriyā saññāvimokkhaṃ sacittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Ekādasamaṃ. {1170} Dvādasame. Upassayo na sammatīti vasanokāso nappahoti. Sesaṃ uttānameva. Samuṭṭhānādīni anantarasadisānevāti. Dvādasamaṃ. {1175} Terasame. Ekaṃ vassaṃ dveti ekantarike ekasmiṃ saṃvacchare dve vuṭṭhāpeti. Sesaṃ uttānameva. Samuṭṭhānādīnipi vuttasadisānevāti. Terasamasikkhāpadaṃ. Kumārībhūtavaggo aṭṭhamo. {1181} Chattavaggassa paṭhamasikkhāpade. Sakiṃpi dhāreti āpatti pācittiyassāti maggagamane ekappayogeneva divasaṃpi dhāreti ekāva āpatti. Sace kaddamādīni patvā upāhanā omuñcitvā chattameva dhārentī gacchati dukkaṭaṃ. Athāpi gacchādīni disvā chattaṃ apanāmetvā upāhanāruḷhāva gacchati dukkaṭameva. Sace chattaṃpi apanāmetvā upāhanāpi omuñcitvā puna dhāreti pācittiyaṃ. Evaṃ payogagaṇanāya āpattiyo veditabbā. SesaṃThe Pali Atthakatha in Roman Character Volume 2 Page 564. http://84000.org/tipitaka/read/attha_page.php?book=2&page=564&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11868&pagebreak=1 http://84000.org/tipitaka/atthapali/rm_line.php?B=2&A=11868&pagebreak=1#p564
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]