อรรถกถาเล่มที่ ๒ หน้าที่ ๕๖๖.

โมเจตฺวา อุมฺมชฺชเน ปโยคคณนาย อาปตฺติโย ฯ สมฺพาหเนปิ เอเสว นโย ฯ คิลานายาติ อนฺตมโส มคฺคคมนปริสฺสเมนาปิ สาพาธาย ฯ อาปทาสูติ โจรภยาทีหิ สรีรกมฺปนาทีสุ ฯ เสสํ อุตฺตานเมว ฯ สมุฏฺฐานาทีนิ ตติยสทิสาเนวาติ ฯ สตฺตมํ ฯ {๑๒๑๐} อฏฺฐมาทีสุ ตีสุ สิกฺขมานาย สามเณริยา คิหินิยาติ อิทเมว นานากรณํ ฯ เสสํ สตฺตเม วุตฺตสทิสเมวาติ ฯ ทสมํ ฯ {๑๒๑๔} เอกาทสเม ฯ ภิกฺขุสฺส ปุรโตติ อภิมุขเมวาติ อตฺโถ ฯ อิทํ ปน อุปจารํ สนฺธาย กถิตนฺติ เวทิตพฺพํ ฯ เสสํ อุตฺตานเมว ฯ กฐินสมุฏฺฐานํ กายวาจโต กายวาจาจิตฺตโต จ สมุฏฺฐาติ กิริยากิริยํ โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ เอกาทสมํ ฯ {๑๒๑๙-๑๒๒๓} ทฺวาทสเม ฯ อโนกาสกตนฺติ อสุกสฺมึ นาม ฐาเน ปุจฺฉามีติ เอวํ อกตโอกาสํ ฯ เตเนวาห อโนกาสกตนฺติ อนาปุจฺฉาติ ฯ อนุทฺทิสฺสาติ อสุกสฺมึ นาม ฐาเน ปุจฺฉามีติ เอวํ อนิยเมตฺวา เกวลํ ปุจฺฉิตพฺพํ อตฺถิ ปุจฺฉามิ อยฺยาติ เอวํ วตฺวา ฯ เสสํ อุตฺตานเมว ฯ ปทโสธมฺมสมุฏฺฐานํ วาจโต วาจาจิตฺตโต จ สมุฏฺฐาติ กิริยากิริยํ โนสญฺญาวิโมกฺขํ อจิตฺตกํ ปณฺณตฺติวชฺชํ วจีกมฺมํ ติจิตฺตํ ติเวทนนฺติ ฯ ทฺวาทสมํ ฯ

เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๖๖. http://84000.org/tipitaka/read/attha_page.php?book=2&page=566&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=11909&modeTY=2&pagebreak=1 http://84000.org/tipitaka/atthapali/th_line.php?B=2&A=11909&modeTY=2&pagebreak=1#p566