บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 2 : PALI ROMAN Vinaya.A. (samanta.2) Page 569.
Pāṭidesanīyaṃ catussamuṭṭhānaṃ kāyato vācato kāyavācato kāyavācācittato ca samuṭṭhāti kiriyā nosaññāmokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti. Pāṭidesanīyakaṇḍavaṇṇanā niṭṭhitā. Sekhiyā pana uddiṭṭhā ye dhammā pañcasattati tesaṃ anantarāyeva sattādhikaraṇavhayā mahāvibhaṅge yo vutto tesaṃ atthavinicchayo bhikkhunīnaṃ vibhaṅgepi tādisaṃyeva taṃ vidū yasmā tasmā visuṃ tesaṃ dhammānaṃ atthavaṇṇanā. Na vuttā tattha yā vuttā vuttāyeva hi sā idhāti. Samantapāsādikāya vinayasaṃvaṇṇanāya bhikkhunīvibhaṅgavaṇṇanā niṭṭhitā. Ubhatopāṭimokkhānaṃ vibhaṅgaṃ āha yaṃ jino anantarāyena ayaṃ niṭṭhitā tassa vaṇṇanā. Yathā tatheva sabbepi sattā sabbāsavāpahaṃ maggaṃ anantarāyena patvā passantu nibbutinti.The Pali Atthakatha in Roman Character Volume 2 Page 569. http://84000.org/tipitaka/read/attha_page.php?book=2&page=569&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11972&pagebreak=1 http://84000.org/tipitaka/atthapali/rm_line.php?B=2&A=11972&pagebreak=1#p569
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]