romanATTHA book 2 Page 569.

Patidesaniyam catussamutthanam kayato vacato kayavacato kayavacacittato ca samutthati kiriya nosannamokkham acittakam pannattivajjam kayakammam vacikammam ticittam tivedananti. Patidesaniyakandavannana nitthita. Sekhiya pana uddittha ye dhamma pancasattati tesam anantarayeva sattadhikaranavhaya mahavibhange yo vutto tesam atthavinicchayo bhikkhuninam vibhangepi tadisamyeva tam vidu yasma tasma visum tesam dhammanam atthavannana. Na vutta tattha ya vutta vuttayeva hi sa idhati. Samantapasadikaya vinayasamvannanaya bhikkhunivibhangavannana nitthita. Ubhatopatimokkhanam vibhangam aha yam jino anantarayena ayam nitthita tassa vannana. Yatha tatheva sabbepi satta sabbasavapaham maggam anantarayena patva passantu nibbutinti.

The Pali Atthakatha in Roman Character Volume 2 Page 569. http://84000.org/tipitaka/read/attha_page.php?book=2&page=569&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=2&A=11972&modeTY=2&pagebreak=1 http://84000.org/tipitaka/atthapali/rm_line.php?B=2&A=11972&modeTY=2&pagebreak=1#p569