อรรถกถาเล่มที่ ๒๑ ภาษาบาลี อักษรไทย
ธ.อ.๔ ปณฺฑิต-สหสฺสวคฺค
หน้าที่ ๗๓-๗๔.

หน้าที่ ๗๓.
โหติ อมตปริโยสานนฺติ ๑- เอวํ ปญฺจินฺทฺริยานิ อารพฺภ ปญฺหํ ปุจฺฉิ.
เถโร "น ขฺวาหํ ภนฺเต เอตฺถ ภควโต สทฺธาย คจฺฉามิ:
สทฺธินฺทฺริยํ ฯเปฯ อมตปริโยสานํ, เยสํ นูเนตํ ภนฺเต อญฺาตํ
อสฺสุตํ อทิฏฺ อวิทิตํ อสจฺฉิกตํ  อผุสิตํ ปญฺาย, เต ตตฺถ ปเรสํ
สทฺธาย คจฺเฉยฺยุํ: สทฺธินฺทฺริยํ ฯเปฯ อมตปริโยสานนฺติ ๒-  เอวนฺตํ
ปญฺหํ พฺยากาสิ. ตํ สุตฺวา ภิกฺขู กถํ  สมุฏฺาเปสุํ "สารีปุตฺตตฺเถโร
มิจฺฉาคหเณเนว วิสฺสชฺเชสิ, อชฺชาปิ สมฺมาสมฺพุทฺธสฺส น
สทฺทหิเยวาติ. ตํ สุตฺวา สตฺถา "กินฺนาเมตํ ภิกฺขเว วเทถ,
อหํ หิ `ปญฺจินฺทฺริยานิ อภาเวตฺวา สมถวิปสฺสนํ อวฑฺเฒตฺวา
มคฺคผลานิ สจฺฉิกาตุํ สมตฺโถ นาม อตฺถีติ สทฺทหสิ สารีปุตฺตาติ
ปุจฺฉึ, โส `เอวํ สจฺฉิกโรนฺโต อตฺถิ นามาติ น สทฺทหามิ
ภนฺเตติ กเถสิ, น ทินฺนสฺส วา กตสฺส วา ผลวิปากํ น
สทฺทหิ, นาปิ พุทฺธาทีนํ คุณํ น สทฺทหิ; โส ปน อตฺตนา
ปฏิลทฺเธสุ ฌานวิปสฺสนามคฺคผลธมฺเมสุ ปเรสํ สทฺธาย น คจฺฉติ,
ตสฺมา อนุปวชฺโชติ วตฺวา อนุสนฺธึ ฆเฏตฺวา ธมฺมํ  เทเสนฺโต
อิมํ คาถมาห
         "อสฺสทฺโธ อกตญฺู จ     สนฺธิจฺเฉโท จ โย นโร
          หตาวกาโส วนฺตาโส,   ส เว อุตฺตมโปริโสติ.
      ตตฺถ "อสฺสทฺโธติ: อตฺตนา ปฏิวิทฺธคุณํ ปเรสํ กถาย
น สทฺทหตีติ อสฺสทฺโธ, อกตํ นิพฺพานํ ชานาตีติ อกตญฺู,
สจฺฉิกตนิพฺพาโนติ อตฺโถ. วฏฺฏสนฺธึ สํสารสนฺธึ ฉินฺทิตฺวา ิโตติ
@เชิงอรรถ: ๑-๒. สํยุตฺตนิกาย มหาวารวคฺค ๑๙/๒๙๒. ตตฺถ ปน...เยสญฺหิ ตํ
@ภนฺเต อญฺาตํ อทิฏฺ อวิทิตํ...ปญฺายาติ ทิสฺสติ.
---------------------------------------------------------------------------------------------
หน้าที่ ๗๔.
สนฺธิจฺเฉโท. กุสลากุสลกมฺมวีชสฺส ขีณตฺตา นิพฺพตฺตนาวกาโส
หโต อสฺสาติ หตาวกาโส. จตูหิ มคฺเคหิ กตฺตพฺพกิจฺจสฺส
กตตฺตา สพฺพาสา อิมินา วนฺตาติ วนฺตาโส. โย ปน เอวรูโป
นโร, ส เว ปฏิวิทฺธโลกุตฺตรธมฺมตาย ปุริเสสุ  อุตฺตมภาวมฺปตฺโตติ
ปุริสุตฺตโมติ.
      คาถาวสาเน เต อารญฺกา ตึสมตฺตา ภิกฺขู สห ปฏิสมฺภิทาหิ
อรหตฺตํ ปาปุณึสุ, เสสมหาชนสฺสาปิ สาตฺถิกา ธมฺมเทสนา
อโหสีติ.
                    สารีปุตฺตตฺเถรวตฺถุ.
                      ----------
              ๙. ขทิรวนิยเรวตตฺเถรวตฺถุ. (๗๙)
      "คาเม วาติ อิมํ ธมฺมเทสนํ สตฺถา เชตวเน วิหรนฺโต
ขทิรวนิยเรวตตฺเถรํ อารพฺภ กเถสิ.
      อายสฺมา หิ สารีปุตฺโต สตฺตาสีติโกฏิธนํ ปหาย ปพฺพชิตฺวา
"จาลา, อุปจาลา, สีสุปจาลาติ ติสฺโส ภคินิโย "จุนฺโท,
อุปเสโนติ อิเม เทฺว ภาตโร ปพฺพาเชสิ. เรวตกุมาโร เอโกว
เคเห อวสิฏฺโ. อถสฺส มาตา จินฺเตสิ "มม ปุตฺโต
อุปติสฺโส เอตฺตกํ ธนํ ปหาย ปพฺพชิตฺวา ติสฺโส ภคินิโย เทฺว
จ ภาตโร ปพฺพาเชสิ, เรวโต เอโกว อวสิฏฺโ; สเจ อิมํปิ
ปพฺพาเชสฺสติ, เอตฺตกํ โน ธนํ นสฺสิสฺสติ, กุลวํโส ปจฺฉิชฺชิสฺสติ;


เนื้อความอรรถกถาฉบับภาษาบาลี อักษรไทย เล่มที่ ๒๑ หน้าที่ ๗๓-๗๔.
http://84000.org/tipitaka/read/attha_page.php?book=21&page=73&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=21&A=1497&pagebreak=1
http://84000.org/tipitaka/atthapali/th_line.php?B=21&A=1497&pagebreak=1#p73