อรรถกถาเล่มที่ ๒๓ ภาษาบาลี อักษรไทย
ธ.อ.๖ อตฺต-โกธวคฺค
หน้าที่ ๕๑.

น ปสฺสติ. นตฺถิ ปาปนฺติ: ตสฺส เอวรูปสฺส อิทํ นาม ปาปํ
อกตฺตพฺพนฺติ นตฺถิ.
         เทสนาวสาเน พหู โสตาปตฺติผลาทีนิ ปาปุณึสูติ.
                     จิญฺจมาณวิกาวตฺถุ.
                    --------------
                 ๑๐. อสทิสทานวตฺถุ. (๑๔๖)
      "น เว กทริยา เทวโลกํ วชนฺตีติ อิมํ ธมฺมเทสนํ สตฺถา
เชตวเน วิหรนฺโต อสทิสทานํ อารพฺภ กเถสิ.
      เอกสฺมึ หิ สมเย สตฺถา จาริกํ จริตฺวา ปญฺจสตภิกฺขุปริวาโร
เชตวนํ ปาวิสิ. ราชา วิหารํ คนฺตฺวา สตฺถารํ นิมนฺเตตฺวา
ปุนทิวเส อาคนฺตุกทานํ สชฺเชตฺวา "ทานํ เม ปสฺสนฺตูติ นาคเร
ปกฺโกสิ. นาครา อาคนฺตฺวา รญฺโญ ทานํ ทิสฺวา ปุนทิวเส
สตฺถารํ นิมนฺเตตฺวา ทานํ สชฺเชตฺวา "อมฺหากํ ทานํ เทโว
ปสฺสตูติ รญฺโญ ปหิณึสุ. ราชา คนฺตฺวา เตสํ ทานํ ทิสฺวา
"อิเมหิ มม ทานโต อุตฺตริตรํ กตํ, ปุน ทานํ กริสฺสามีติ
ปุนทิวเสปิ ทานํ สชฺเชสิ. นาคราปิ ตํ ทิสฺวา ปุนทิวเส
สชฺชยึสูติ. เอวํ เนว ราชา นาคเร ปราเชตุํ สกฺโกติ, น
นาครา ราชานํ. อถ ฉฏฺเฐ วาเร นาครา สตคุณํ สหสฺสคุณํ
วฑฺเฒตฺวา, ยถา น สกฺกา โหติ "อิทํ นาม อิเมสํ ทาเน


เนื้อความอรรถกถาฉบับภาษาบาลี อักษรไทย เล่มที่ ๒๓ หน้าที่ ๕๑.
http://84000.org/tipitaka/read/attha_page.php?book=23&page=51&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=23&A=1008&modeTY=2&pagebreak=1
http://84000.org/tipitaka/atthapali/th_line.php?B=23&A=1008&modeTY=2&pagebreak=1#p51