อรรถกถาเล่มที่ ๒๖ หน้าที่ ๒๘๔.

#[๑๒] อวจาหํ โชติปาโล กสฺสปํ สุคตํ ตทา กุโต นุ โพธิ มุณฺฑสฺส โพธิ ปรมทุลฺลภา. เตน กมฺมวิปาเกน อจรึ ^๑- ทุกฺกรํ พหุํ ฉพฺพสฺสานุรุเวลายํ ตโต โพธึ อปาปุณึ. นาหํ เอเตน มคฺเคน ปาปุณึ โพธิมุตฺตมํ กุมฺมคฺเคน คเวสิสฺสํ ปุพฺพกมฺเมน วาริโต. ปุญฺญปาปปริกฺขีโณ สพฺพสนฺตาปวชฺชิโต อโสโก อนุปายาโส นิพฺพายิสฺสมนาสโว. เอวํ ชิโน วิยากาสิ ภิกฺขุสํฆสฺส อคฺคโต สพฺพาภิญฺญาพลปฺปตฺโต อโนตตฺตมหาสเร"ติ. อฏฺฐมสุตฺตวณฺณนา นิฏฺฐิตา. ----------- ๙. อุปเสนสุตฺตวณฺณนา [๓๙] นวเม อุปเสนสฺสาติ เอตฺถ อุปเสโนติ ตสฺส เถรสฺส นามํ, วงฺคนฺตพฺราหฺมณสฺส ปน ปุตฺตตฺตา "วงฺคนฺตปุตฺโต"ติ จ นํ โวหรนฺติ. อยํ หิ เถโร อายสฺมโต สาริปุตฺตสฺส กนิฏฺฐภาตา, สาสเน ปพฺพชิตฺวา อปฺปญฺญตฺเต สิกฺขาปเท อุปสมฺปทาย ทฺวิวสฺโส อุปชฺฌาโย หุตฺวา เอกํ ภิกฺขุํ อุปสมฺปาเทตฺวา เตน สทฺธึ ภควโต อุปฏฺฐานํ คโต, ตสฺส ภิกฺขุโน ภควตา ตสฺส สทฺธิวิหาริกภาวํ ปุจฺฉิตฺวา ขนฺธเก อาคตนเยน "อติลหุํ โข ตฺวํ @เชิงอรรถ: สี.,ก. อกรึ

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๒๘๔. http://84000.org/tipitaka/read/attha_page.php?book=26&page=284&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=6352&modeTY=2&pagebreak=1 http://84000.org/tipitaka/atthapali/th_line.php?B=26&A=6352&modeTY=2&pagebreak=1#p284