อรรถกถาเล่มที่ ๒๖ หน้าที่ ๔๐๙.

เฉตฺตา"ติปิ ปนฺติ, ตณฺหาย มูลํ มูเลเยว วา ^๑- เฉทโกติ อตฺโถ. อถ วา มูลโต เฉตฺตาติ มูลโต ปฏฺาย ตณฺหาย เฉทโก. อิทํ วุตฺตํ โหติ:- โย โพธิยา มูลภูตมหาปณิธานโต ปฏฺาย อปริมิตํ สกลํ ปุญฺสมฺภารํ อตฺตโน อจินฺเตตฺวา โลกหิตตฺถเมว ปริณามนวเสน ปริปูเรนฺโต มูลโต ปภุติ ตณฺหาย เฉตฺตา, โส ตณฺหาเหตุกสฺส อิจฺฉิตาลาภสฺส อภาวโต กิสฺส เกน การเณน อุทกปริเยสนํ จเรยฺย, อิเม ปน ถูเณยฺยกา อนฺธพาลา อิมํ การณํ อชานนฺตา เอวมกํสูติ. นวมสุตฺตวณฺณนา นิฏฺิตา. ------------- ๑๐. อุเทนสุตฺตวณฺณนา ^๒- [๗๐] ทสเม รญฺโ อุเทนสฺสาติ ^๓- อุเทนสฺส นาม รญฺโ, โย "วชฺชิราชา"ติปิ วุจฺจติ. อุยฺยานคตสฺสาติ อุยฺยานกีฬนตฺถํ อุยฺยานํ คตสฺส. อนาทเร หิ อิทํ สามิวจนํ, "อนฺเตปุรนฺ"ติ ปน ปทํ อเปกฺขิตฺวา สมฺพนฺเธเปตํ สามิวจนํ โหติ. กาลงฺกตานีติ อคฺคิทฑฺฒานิ หุตฺวา มตานิ โหนฺติ. สามาวตีปมุขานีติ เอตฺถ กา ปนายํ สามาวตี, กถญฺจ ทฑฺฒาติ? วุจฺจเต, ภทฺทวติยํ เสฏฺิโน ธีตา โฆสกเสฏฺินา ธีตุฏฺาเน ปิตา ปญฺจสตอิตฺถิปริวารา รญฺโ อุเทนสฺส อคฺคมเหสี เมตฺตาวิหารพหุลา อริยสาวิกา สามาวตี นาม. อยเมตฺถ สงฺเขโป, วิตฺถารโต ปน อาทิโต ปฏฺาย สามาวติยา อุปฺปตฺติกถา ธมฺมปทวตฺถุมฺหิ วุตฺตนเยน เวทิตพฺพา. มาคณฺฑิยสฺส นาม พฺราหฺมณสฺส ธีตา อตฺตโน มาตาปิตูนํ:- @เชิงอรรถ: ^๑ ม. มูลสฺส วา ^๒ ฉ.ม. อุเตนสุตฺต... ^๓ ฉ.ม. อุเตน... เอวมุปริปิ

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๔๐๙. http://84000.org/tipitaka/read/attha_page.php?book=26&page=409&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=9147&pagebreak=1 http://84000.org/tipitaka/atthapali/th_line.php?B=26&A=9147&pagebreak=1#p409