ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒๗ ภาษาบาลี อักษรไทย อิติ.อ. (ปรมตฺถที.)

หน้าที่ ๑๑๘.

สุปฺปพุทฺธสกฺกโกกาลิกจิญฺจมาณวิกาทีนํ วตฺถูนิ กเถตพฺพานิ, มโนทุจฺจริตสฺส ปน
อุกฺกลชยภญฺญาทีนํ.
                       ตติยสุตฺตวณฺณนา นิฏฺฐิตา.
                        -----------------
                        ๔. อตปนียสุตฺตวณฺณนา
      [๓๑] จตุตฺเถ ตติเย วุตฺตวิปริยาเยน อตฺโถ เวทิตพฺโพ.
                       จตุตฺถสุตฺตวณฺณนา นิฏฺฐิตา.
                       -------------------
                        ๕. ปฐมสีลสุตฺตวณฺณนา
      [๓๒] ปญฺจเม ปาปเกน จ สีเลนาติ ปาปกํ นาม สีลํ สีลเภทกโร
อสํวโรติ วทนฺติ. ตตฺถ ยทิ อสํวโร อสีลเมว ตํ ทุสฺสีลฺยภาวโต, กถํ สีลนฺติ
วุจฺจติ? ตตฺถายมธิปฺปาโย สิยา:- ยถา นาม โลเก อทิฏฺฐํ "ทิฏฺฐนฺ"ติ
วุจฺจติ, อสีลวา "สีลวา"ติ, เอวมิธาปิ อสีลมฺปิ อสํวโรปิ "สีลนฺ"ติ โวหรียติ.
อถ วา "กตเม จ ถปติ อกุสลา สีลา, อกุสลํ กายกมฺมํ อกุสลํ วจีกมฺมํ
ปาปโก อาชีโว"ติ ๑- วจนโต อกุสลธมฺเมสุปิ อตฺเถว สีลสมญฺญา, ตสฺมา
ปริจยวเสน สภาวสิทฺธิ วิย ปกติภูโต สพฺโพ สมาจาโร "สีลนฺ"ติ วุจฺจติ.
ตตฺถ ยํ อโกสลฺลสมฺภูตฏฺเฐน อกุสลํ ลามกํ, ตํ สนฺธายาห "ปาปเกน จ
สีเลนา"ติ. ปาปิกาย จ ทิฏฺฐิยาติ สพฺพาปิ มิจฺฉาทิฏฺฐิโย ปาปิกาว, วิเสสโต
ปน อเหตุกทิฏฺฐิ อกิริยทิฏฺฐิ นตฺถิกทิฏฺฐีติ อิมา ติวิธา ทิฏฺฐิโย ปาปิกตรา.
ตตฺถ ปาปเกน สีเลน สมนฺนาคโต ปุคฺคโล ปโยควิปนฺโน โหติ, ปาปิกาย
@เชิงอรรถ:  ม.ม. ๑๓/๒๖๔/๒๓๗



เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๑๑๘. http://84000.org/tipitaka/read/attha_page.php?book=27&page=118&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=2575&modeTY=2&pagebreak=1 http://84000.org/tipitaka/atthapali/th_line.php?B=27&A=2575&modeTY=2&pagebreak=1#p118


จบการแสดงผล หน้าที่ ๑๑๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]