Ditthiya samannagato asayavipanno hoti, evam payogasayavipanno puggalo
nirayupago hotiyeva. Tena vuttam "imehi kho bhikkhave dvihi dhammehi samannagato
puggalo yathabhatam nikkhitto, evam niraye"ti. Ettha ca "dvihi dhammehi
samannagato"ti idam lakkhanavacanam datthabbam, na tantiniddeso, yathatam loke
"yadi me byadhita siyum, imesam idam bhesajjam databban"ti. Annesupi idisesu
thanesu eseva nayo. Duppannoti nippanno.
Pancamasuttavannana nitthita.
----------------
6. Dutiyasilasuttavannana
[33] Chatthe bhaddakena ca silenati kayasucaritadicatuparisuddhisilena. Tam
hi akhandadisilabhavena sayanca kalyanam, samathavipassanadikalyanagunavahancati
"bhaddakan"ti vuccati. Bhaddikaya ca ditthiyati kammassakatananena ceva
kammapathasammaditthiya ca. Tattha bhaddakena silena payogasampanno hoti, bhaddikaya
ditthiya asayasampanno hoti. Iti payogasayasampanno puggalo saggupago
hoti. Tena vuttam "imehi kho bhikkhave dvihi dhammehi samannagato puggalo
yathabhatam nikkhitto, evam sagge"ti. Sappannoti pannava. Sesam suvinneyyameva.
Chatthasuttavannana nitthita.
--------------
7. Atapisuttavannana
[34] Sattame anatapiti kilesanam atapanatthena atapo, viriyam, so
etassa atthiti atapi, na atapi anatapi, sammappadhanavirahito kusitoti
The Pali Atthakatha in Roman Character Volume 27 Page 119.
http://84000.org/tipitaka/read/attha_page.php?book=27&page=119&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=2596&modeTY=2&pagebreak=1
http://84000.org/tipitaka/atthapali/rm_line.php?B=27&A=2596&modeTY=2&pagebreak=1#p119
