Nayo. Imani ca duccaritani pannattiya va kathetabbani kammapathehi va.
Tattha pannattiya tava kayadvare pannattasikkhapadassa vitikkamo kayaduccaritam,
vacidvare pannattasikkhapadassa vitikkamo vaciduccaritam, ubhayattha pannattassa
vitikkamo manoduccaritanti ayam pannattikatha. Panatipatadayo pana tisso
cetana kayadvarepi vacidvarepi uppanna 1- kayaduccaritam, tatha catasso
musavadadicetana vaciduccaritam, abhijjha byapado micchaditthiti tayo
cetanasampayuttadhamma manoduccaritanti ayam kammapathakatha.
Gathayam kammapathappattoyeva papadhammo kayaduccaritadibhavena vuttoti
tadannam papadhammam sanganhitum "yancannam dosasanhitan"ti vuttam. Tattha dosasanhitanti
ragadikilesasamhitam. Sesam suvinneyyameva
pancamasuttavannana nitthita.
--------------
6. Sucaritasuttavannana
[65] Chatthe sutthu caritani, sundarani va caritani sucaritani.
Kayena sucaritam, kayato va pavattam sucaritam kayasucaritam. Sesesupi eseva nayo.
Idhapi pana pannattivasena kammapathavasena cati duvidha katha. Tattha
kayadvare pannattisikkhapadassa avitikkamo kayasucaritam, vacidvare
pannattasikkhapadassa avitikkamo vacisucaritam, ubhayattha pannattassa avitikkamo
manosucaritanti ayam pannattikatha. Panatipatadihi pana viramantassa uppanna tisso
cetanapi viratiyopi kayasucaritam, musavadadihi viramantassa catasso cetanapi viratiyopi
@Footnote: 1 Si. kayadvare uppanna, su.vi. 3/305/179
The Pali Atthakatha in Roman Character Volume 27 Page 243.
http://84000.org/tipitaka/read/attha_page.php?book=27&page=243&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=5353&modeTY=2&pagebreak=1
http://84000.org/tipitaka/atthapali/rm_line.php?B=27&A=5353&modeTY=2&pagebreak=1#p243
