อรรถกถาเล่มที่ ๒๗ หน้าที่ ๒๔๘.

สงฺคาติโคติ ราคาทีนํ ปญฺจนฺนํ สงฺคานํ อติกฺกนฺตตฺตา ปหีนตฺตา สงฺคาติโค อตฺถงฺคโต โส น ปมาณเมตีติ โส เอวํภูโต อรหา ราคาทีนํ ปมาณกรธมฺมานํ อจฺจนฺตเมว อตฺถงฺคตตฺตา อตฺถงฺคโต, ตโต เอว สีลาทิธมฺมกฺขนฺธปาริปูริยา จ "เอทิโส สีเลน สมาธินา ปญฺายา"ติ เกนจิ ปมิณิตุํ อสกฺกุเณยฺโย ปมาณํ น เอติ, อถ วา อนุปาทิเสสนิพฺพานสงฺขาตํ อตฺถํ คโต โส อรหา "อิมาย นาม คติยา ิโต, เอทิโส จ นาม จ นามโคตฺเตนา"ติ ปมิณิตุํ อสกฺกุเณยฺยตาย ปมาณํ น เอติ น อุปคจฺฉติ, ตโต เอว อโมหยิ มจฺจุราชํ, เตน อนุพนฺธิตุํ อสกฺกุเณยฺโยติ วทามีติ อนุปาทิเสสนิพฺพานธาตุยาว เทสนํ นิฏฺาเปสิ. อิติ อิมสฺมึ วคฺเค ปมปญฺจมฉฏฺเสุ วฏฺฏํ กถิตํ, ทุติยสตฺตมฏฺเมสุ วิวฏฺฏํ, เสเสสุ วฏฺฏวิวฏฺฏํ กถิตนฺติ เวทิตพฺพํ. ทสมสุตฺตวณฺณนา นิฏฺิตา. ทุติยวคฺควณฺณนา นิฏฺิตา. --------------

เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๒๔๘. http://84000.org/tipitaka/read/attha_page.php?book=27&page=248&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=5460&pagebreak=1 http://84000.org/tipitaka/atthapali/th_line.php?B=27&A=5460&pagebreak=1#p248