ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒๗ ภาษาบาลี อักษรไทย อิติ.อ. (ปรมตฺถที.)

หน้าที่ ๕๕.

อิธาธิปฺเปโตติ. มูฬฺหาเสติ กุสลากุสลสาวชฺชานวชฺชาทิเภเท อตฺตโน หิตาหิเต
สมฺมูฬฺหา. เสสํ วุตฺตนยเมว.
                       ตติยสุตฺตวณฺณนา นิฏฺฐิตา.
                         --------------
                        ๔. โกธสุตฺตวณฺณนา
       [๔] จตุตฺเถ โกธนฺติ โทสํ. โทโส เอว หิ โกธปริยาเยน พุชฺฌนกานํ
ปุคฺคลานํ อชฺฌาสยวเสน เอวํ วุตฺโต. ตสฺมา ทุติยสุตฺเต วุตฺตนเยเนเวตฺถ
อตฺโถ เวทิตพฺโพ. อปิจ กุชฺฌนลกฺขโณ โกโธ, อฆาตกรณรโส, จิตฺตสฺส
พฺยาปตฺติภาวปจฺจุปฏฺฐาโน, เจตโส ปูติภาโวติ ๑- ทฏฺฐพฺโพติ อยมฺปิ วิเสโส
เวทิตพฺโพ.
                       จตุตฺถสุตฺตวณฺณนา นิฏฺฐิตา.
                         --------------
                         ๕. มกฺขสุตฺตวณฺณนา
       [๕] ปญฺจเม มกฺขนฺติ ปรคุณมกฺขนํ. ยทิปิ หิ โส คูถํ คเหตฺวา ปรํ
ปหรนฺโต วิย อตฺตโน กรํ ปฐมตรํ มกฺขติเยว. ตถาปิ ปเรสํ คุณมกฺขนาธิปฺปาเยน
ปวตฺเตตพฺพตาย "ปรคุณมกฺขโน"ติ วุจฺจติ. ตถา หิ โส อุทกปุญฺฉนมิว วิย
นฺหาตสฺส สรีรคตํ อุทกํ ปเรสํ คุเณ มกฺเขติ ปุญฺฉติ วินาเสติ, ปเรหิ หิ
กตานํ มหนฺตานมฺปิ การานํ เขปนโต ธํสนโต มกฺโขติ วุจฺจติ. โส
ปรคุณมกฺขณลกฺขโณ, เตสํ วินาสนรโส, ตทวจฺฉาทนปจฺจุปฏฺฐาโน. อตฺถโต ปน
ปเรสํ คุณมกฺขนากาเรน ปวตฺโต โทมนสฺสสหคตจิตตุปฺปาโทติ ทฏฺฐพฺพํ.
ปชหถาติ ตตฺถ วุตฺตปฺปเภทํ โทสํ จ วุตฺตนยํ อาทีนวํ ปหาเน จสฺส อานิสํสํ
@เชิงอรรถ:  สี. ปูติภาวปทฏฐาโนติ



เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๕๕. http://84000.org/tipitaka/read/attha_page.php?book=27&page=55&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=1202&modeTY=2&pagebreak=1 http://84000.org/tipitaka/atthapali/th_line.php?B=27&A=1202&modeTY=2&pagebreak=1#p55


จบการแสดงผล หน้าที่ ๕๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]