8. Manaparinnasuttavannana
[8] Atthame apubbam natthi, kevalam manavasena desana pavatta. Gathasu
pana manupeta ayam pajati kammakilesehi pajayatiti pajati laddhanama ime
satta mannanalakkhanena manena upeta upagata managantha bhave ratati
kimikitapatangadiattabhavepi manena ganthita manasamyojanena samyutta, tato eva
digharattam paribhavita ahamkaravasena "etam mama"ti sankharesu ajjhosanabahulatta
tattha niccasukhaattadivipallasavasena ca kamadibhave rata. Manam aparijanantati
manam tihi parinnahi na parijananta arahattamaggananena va anatikkamanta,
"manam aparinnaya"ti keci pathanti. Agantaro punabbhavanti puna ayatim
upapattibhavam, punappunam bhavato 1- va punabbhavasankhatam samsaram aparaparam
parivattanavasena gantaro upagantaro honti, bhavato na parimuccantiti attho.
Ye ca manam pahantvana, vimutta manasankhayeti ye pana arahattamaggena
sabbaso manam pajahitva manassa accantasankhayabhute arahattaphale nibbane va
tadekatthasabbakilesavimuttiya vimutta sutthu mutta. Te managanthabhibhuno, sabbam
gantham upaccagunti te parikkhinabhavasamyojana arahanto sabbaso managantham
manasamyojanam samucchedappahanena abhibhavitva thita, anavasesam vattadukkham
atikkamimsuti attho. Evametasmim sattamasutte ca arahattam kathitanti.
Atthamasuttavannana nitathita.
-------------
@Footnote: 1 cha.Ma. bhavanato
The Pali Atthakatha in Roman Character Volume 27 Page 62.
http://84000.org/tipitaka/read/attha_page.php?book=27&page=62&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=27&A=1359&modeTY=2&pagebreak=1
http://84000.org/tipitaka/atthapali/rm_line.php?B=27&A=1359&modeTY=2&pagebreak=1#p62
