อรรถกถาเล่มที่ ๒๙ หน้าที่ ๓๔๘.

ยถา ปุริโส อุทกครุกํ นาวํ สิตฺวา ลหุกาย นาวาย อปฺปกสิเรเนว ปารคู ภเวยฺย, ปารํ คจฺเฉยฺย, เอวเมว อตฺตภาวนาวํ กิเลสูทกครุกํ สิญฺจิตฺวา ลหุเกน อตฺตภาเวน ปารคู ภเวยฺย, สพฺพธมฺมปารํ นิพฺพานํ คโต ภเวยฺยํ, อรหตฺตปฺปตฺติยา คจฺเฉยฺย จ, อนุปาทิเสสาย นิพฺพานธาตุยา ปรินิพฺพาตีติ. ^๑- อรหตฺตนิกูเฏน เทสนํ นิฏฺเปสิ. เทสนาปริโยสาเน พฺราหฺมโณ จ พฺราหฺมณี จ โสตาปตฺติผเล ปติฏฺหึสูติ. ปรมตฺถโชติกาย ขุทฺทกฏฺกถาย สุตฺตนิปาตฏฺกถาย กามสุตฺตวณฺณนา นิฏฺิตา. ----------------- ๒. คุหฏฺกสุตฺตวณฺณนา [๗๗๙] สตฺโต คุหายนฺติ คุหฏฺกสุตฺตํ. กา อุปฺปตฺติ? ภควติ กิร สาวตฺถิยํ วิหรนฺเต อายสฺมา ปิณฺโฑลภารทฺวาโช โกสมฺพิยํ คงฺคาตีเร อาวฏฺฏกํ ^๓- นาม อุเทนสฺส ^๔- อุยฺยานํ, ตตฺถ อคมาสิ สีตเล ปเทเส ทิวาวิหารํ นิสีทิตุกาโม. อญฺทาปิ จายํ คจฺฉเตว ตตฺถ ปุพฺพาเสวเนน ยถา ควมฺปติตฺเถโร ตาวตึสภวนนฺติ วุตฺตนยเมตํ วงฺคีสสุตฺตวณฺณนายํ. โส ตตฺถ คงฺคาตีเร สีตเล รุกฺขมูเล สมาปตฺตึ อปฺเปตฺวา ทิวาวิหารํ นิสีทิ. ราชาปิ โข อุเทโน ^๕- ตํทิวสํเยว อุยฺยานกีฬิกํ คนฺตฺวา พหุเทว ทิวสภาคํ นจฺจคีตาทีหิ อุยฺยาเน กีฬิตฺวา ปานมทมตฺโต เอกิสฺสา อิตฺถิยา องฺเก สีสํ กตฺวา สยิ. เสสิตฺถิโย "สุตฺโต ราชา"ติ อุฏฺหิตฺวา อุยฺยาเน ปุปฺผผลาทีนิ คณฺหนฺติ โย เถรํ ทิสฺวา @เชิงอรรถ: ^๑ สี. ปรินิพฺพาเนนาติ ^๒ ก. สิญฺจิตฺวา @^๓ สี. คงฺคาฏเฬ ^๔ ฉ.ม. อุเตนสฺส ^๕ ฉ.ม. อุเตโน

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๓๔๘. http://84000.org/tipitaka/read/attha_page.php?book=29&page=348&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=7835&pagebreak=1 http://84000.org/tipitaka/atthapali/th_line.php?B=29&A=7835&pagebreak=1#p348