อรรถกถาเล่มที่ ๒๙ หน้าที่ ๓๕๘.

ภเวสุ ปกปฺปิตา ทิฏฺิ นตฺถิ, โส ตสฺสา ทิฏฺิยา อภาเวน, ยาย จ อตฺตนา กตํ ปาปกมฺมํ ปฏิจฺฉาเทนฺตา ติตฺถิยา มายาย มาเนน วา เอตํ อคตึ คจฺฉนฺติ, ตมฺปิ มายญฺจ มานญฺจ ปหาย โธโน ราคาทิโทสานํ เกน คจฺเฉยฺย, ทิฏฺธมฺเม สมฺปราเย วา นิรยาทีสุ คติวิเสเสสุ เกน สงฺขํ คจฺเฉยฺย, อนูปโย โส, โส หิ ตณฺหาทิฏฺิอุปยานํ ทฺวินฺนํ อภาเวน อนูปโยติ. [๗๙๔] โย วา ^๑- ปน เตสํ ทฺวินฺนํ ภาเวน อุปโย โหติ, โส อุปโย หิ ฯเปฯ ทิฏฺิมิเธว สพฺพนฺติ. ตตฺถ อุปโยติ ตณฺหาทิฏฺินิสฺสิโต. ธมฺเมสุ อุเปติ วาทนฺติ "รตฺโต"ติ วา "ทุฏฺโ"ติ วา เอวํ เตสุ เตสุ ธมฺเมสุ อุเปติ วาทํ. อนูปยํ เกน กถํ วเทยฺยาติ ตณฺหาทิฏฺิปหาเนน อนูปยํ ขีณาสวํ เกน ราเคน วา โทเสน วา กถํ "รตฺโต"ติ วา "ทุฏฺโ"ติ วา วเทยฺย, เอวํ อนุปวาโทว ^๒- โส กึ ติตฺถิยา วิย กตปฏิจฺฉาทโก ภวิสฺสตีติ อธิปฺปาโย, อตฺตํ นิรตฺตํ ^๓- น หิ ตสฺส อตฺถีติ ตสฺส หิ อตฺตทิฏฺิ วา อุจฺเฉททิฏฺิ วา นตฺถิ, คหณํ มุญฺจนํ วาปิ อตฺตนิรตฺตสญฺิตํ นตฺถิ. กึการณํ นตฺถีติ เจ? อโธสิ โส ทิฏฺิมิเธว สพฺพํ, ยสฺมา โส อิเธว อตฺตภาเว าณวาเตน สพฺพํ ทิฏฺิคตํ อโธสิ ปชหิ วิโนเทสีติ อรหตฺตนิกูเฏน เทสนํ นิฏฺาเปสิ. ตํ สุตฺวา ราชา อตฺตมโน ภควนฺตํ อภิวาเทตฺวา ปกฺกามีติ. ปรมตฺถโชติกาย ขุทฺทกฏฺกถาย สุตฺตนิปาตฏฺกถาย ทุฏฺฏฺกสุตฺตวณฺณนา นิฏฺิตา. -------------------- @เชิงอรรถ: ^๑ วา-สทฺโท น ทิสฺสติ ^๒ ฉ.ม.,อิ. อนุปวชฺโช จ ^๓ ฉ.ม. อตฺตา นิรตฺตา

เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๓๕๘. http://84000.org/tipitaka/read/attha_page.php?book=29&page=358&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=8056&pagebreak=1 http://84000.org/tipitaka/atthapali/th_line.php?B=29&A=8056&pagebreak=1#p358