อรรถกถาเล่มที่ ๓ หน้าที่ ๕๖๕.

โอวาทุปชีวินิโย ภิกฺขุนิโยปิ เทฺวภาคา โหนฺติ ฯ อุปาสกาปิ อุปาสิกาโยปิ ทารกาปิ ทาริกาโยปิ เทฺวภาคา โหนฺติ ฯ เตสํ อารกฺขกา เทวตาปิ ตเถว เทฺวิธา ภิชฺชนฺติ ฯ ตโต ภุมฺมเทวตา อาทึ กตฺวา ยาว อกนิฏฺฐพฺรหฺมาโน ทฺวิธาว โหนฺติ ฯ เตน วุตฺตํ พหุชนอหิตาย ปฏิปนฺโน โหติ ฯเปฯ ทุกฺขาย เทวมนุสฺสานนฺติ ฯ {๓๘๒} วิสมนิสฺสิโตติ วิสมานิ กายกมฺมาทีนิ นิสฺสิโต ฯ คหณนิสฺสิโตติ มิจฺฉาทิฏฺฐิอนฺตคาหิกทิฏฺฐิสงฺขาตํ คหณํ นิสฺสิโต ฯ พลวนิสฺสิโตติ พลวนฺเต อภิญฺญาตภิกฺขู นิสฺสิโต ฯ {๓๙๓} ตสฺส อวชานนฺโตติ ตสฺส วจนํ อวชานนฺโต ฯ อุปโยคตฺเถ วา สามิวจนํ ฯ ตํ อวชานนฺโตติ อตฺโถ ฯ {๓๙๔} ยํ อตฺถายาติ ยทตฺถาย ฯ ตํ อตฺถนฺติ โส อตฺโถ ฯ เสสํ สพฺพตฺถ อุตฺตานเมวาติ ฯ มหาสงฺคามวณฺณนา นิฏฺฐิตา ฯ ---------

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๕๖๕. http://84000.org/tipitaka/read/attha_page.php?book=3&page=565&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=11483&modeTY=2&pagebreak=1 http://84000.org/tipitaka/atthapali/th_line.php?B=3&A=11483&modeTY=2&pagebreak=1#p565