อรรถกถาเล่มที่ ๓ หน้าที่ ๑๑๕.

อนฺตรายิโกติ อนฺตรายกโร ฯ กิสฺส ผาสุ โหตีติ กิมตฺถาย ผาสุ โหติ ฯ ปฐมสฺส ฌานสฺส อธิคมายาติ ปฐมสฺส ฌานสฺส อธิคมตฺถาย ตสฺส ภิกฺขุโน ผาสุ โหติ สุขํ โหติ ฯ เอส นโย สพฺพตฺถ ฯ อิติ ภควา อุทฺเทสโต จ นิทฺเทสโต จ ปฐมํ ปาฏิโมกฺขุทฺเทสํ ทสฺเสสิ ฯ {๑๓๖} เทวสิกนฺติ ทิวเส ทิวเส ฯ จาตุทฺทเส วา ปณฺณรเส วาติ เอกสฺส อุตุโน ตติเย จ สตฺตเม จ ปกฺเข ทฺวิกฺขตฺตุํ จาตุทฺทเส อวเสเส ฉกฺขตฺตุํ ปณฺณรเส ฯ อยนฺตาว เอโก อตฺโถ ฯ อยมฺปน ปกติจาริตฺตวเสน วุตฺโต ฯ สกึ ปกฺขสฺส จาตุทฺทเส วา ปณฺณรเส วาติ วจนโต ปน ตถารูเป ปจฺจเย สติ ยสฺมึ ตสฺมึ จาตุทฺทเส วา ปณฺณรเส วา อุทฺทิสิตุํ วฏฺฏติ ฯ อาวาสิกานํ ภิกฺขูนํ จาตุทฺทโส โหติ อาคนฺตุกานํ ภิกฺขูนํ ปณฺณรโส ฯ สเจ อาวาสิกา พหุตรา โหนฺติ อาคนฺตุเกหิ อาวาสิกานํ อนุวตฺติตพฺพนฺติ วจนโตปิ เจตํ เวทิตพฺพํ ฯ {๑๓๘} ปฐมํ นิมิตฺตา กิตฺเตตพฺพาติ วินยธเรน ปุจฺฉิตพฺพํ ปุรตฺถิมาย ทิสาย กึ นิมิตฺตนฺติ ปพฺพโต ภนฺเตติ ปุน วินยธเรน เอโส ปพฺพโต นิมิตฺตนฺติ เอวํ ปฐมํ นิมิตฺตํ กิตฺเตตพฺพํ ฯ เอตํ ปพฺพตํ นิมิตฺตํ กโรม กริสฺสาม นิมิตฺตํ กโต นิมิตฺตํ โหตุ โหหิติ ภวิสฺสตีติ เอวมฺปน กิตฺเตตุํ น วฏฺฏติ ฯ ปาสาณาทีสุปิ เอเสว นโย ฯ ปุรตฺถิมาย อนุทิสาย ทกฺขิณาย ทิสาย ทกฺขิณาย อนุทิสาย ปจฺฉิมาย ทิสาย ปจฺฉิมาย อนุทิสาย อุตฺตราย ทิสาย

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๑๑๕. http://84000.org/tipitaka/read/attha_page.php?book=3&page=115&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=2379&modeTY=2&pagebreak=1 http://84000.org/tipitaka/atthapali/th_line.php?B=3&A=2379&modeTY=2&pagebreak=1#p115