บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 378.
Manussa ca pucchanti kassa amhakam vassavasikam pattanti. Tesam yathabhutam acikkhitabbam. Sace te vadanti tumhakam demati. Tassa bhikkhuno papunati. Atha sanghassa va ganassa va denti sanghassa va ganassa va papunati. Sace vassupagata suddhapamsukulikayeva honti. Anetva dinnam vassavasikam senasanaparikkharam va katva thapetabbam bimbohanadini va katabbaniti. Idam nevasikavattam. Senasanagahavinicchayo nitthito. {319} Upanandavatthusmim. Tattha taya moghapurisa gahitam idha mukkam idha gahitam tatra mukkanti ettha ayamattho yam taya tattha senasanam gahitam tam te ganhanteneva idha mukkam hoti. Idha danaham avuso muncamiti vadantena pana tam tatrapi mukkam. Evam tvam ubhayattha paribahiroti. Ayam panettha vinicchayo. Gahanena gahanam patippassambhati. Gahanena alayo patippassambhati. Alayena gahanam patippassambhati. Alayena alayo patippassambhati. Katham. Idhekacco vassupanayikadivase ekasmim vihare senasanam gahetva samantaviharam gantva tatrapi ganhati tassa imina gahanena purimam gahanam patippassambhati. Aparo idha vasissamiti alayamattam katva samantaviharam gantva tattheva senasanam ganhati tassa imina gahanena purimo alayo patippassambhati. Eko idha vasissamiti senasanam va gahetva alayam va katva samantaviharamThe Pali Atthakatha in Roman Character Volume 3 Page 378. http://84000.org/tipitaka/read/attha_page.php?book=3&page=378&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=7752&modeTY=2&pagebreak=1 http://84000.org/tipitaka/atthapali/rm_line.php?B=3&A=7752&modeTY=2&pagebreak=1#p378
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]