บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 488.
Sesesu dukkatanti evam cammasamyuttepi tisso apattiyo. Bhesajjakkhandhakepi samanta dvangule thullaccayam bhojanayaguya pacittiyam sesesu dukkatanti evam tisso apattiyo. Kathinam kevalam pannattameva natthi tattha apatti. Civarasamyutte kusaciravakaciresu thullaccayam atirekacivare nissaggiyam pacittiyam sesesu dukkatanti ima tisso apattiyo. Campeyyakepi eka dukkatapattiyeva. Kosambikakammakkhandhakaparivasikasamuccayakkhandhakesupi eka dukkata- pattiyeva. Samathakkhandhake chandadayako khiyyati khiyyanakam pacittiyam sesesu dukkatanti ima dve apattiyo. Khuddake vatthuke attano angajatam chindati thullaccayam romatthe pacittiyam sesesu dukkatanti ima tisso apattiyo. Senasanakkhandhake garubhandavissajjane thullaccayam sanghikavihara nikkaddhane pacittiyam sesesu dukkatanti ima tisso apattiyo. Sanghabhede bhedanuvattakanam thullaccayam ganabhojane pacittiyanti ima dve apattiyo. Samacaram pucchissanti vutte vattakkhandhake eka dukkatapattiyeva. Sa sabbavatatesu anadariyena hoti. Tatha patimokkhatthapane. Bhikkhunikkhandhake apavaranaya pacittiyam sesesu dukkatanti ima dve apattiyo. Pancasatikasattasatikesu kevalo dhammo sangaham aropito natthi tattha apattiti. Khandhakapucchavannana nitthita. ----------The Pali Atthakatha in Roman Character Volume 3 Page 488. http://84000.org/tipitaka/read/attha_page.php?book=3&page=488&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=9937&modeTY=2&pagebreak=1 http://84000.org/tipitaka/atthapali/rm_line.php?B=3&A=9937&modeTY=2&pagebreak=1#p488
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]