romanATTHA book 3 Page 521.

Ekam chakkam. Tato ekam apanetva sesesu ekekam pakkhipitvati- adina nayena annanipi chakkani katabbani. Cha apattiyoti tini chakkani antarapeyyale vuttani. Cha kammaniti tajjaniyaniyasapabbajaniyapatisaraniyani cattari apattiya adassane ca appatikamme ca vuttadvayampi ekam papikaya ditthiya appatinissagge ekanti. Cha nahaneti orenaddhamasam nahane. Vippakatacivaradi- chakkadvayam kathinakkhandhake niddittham. Sesam sabbattha uttanamevati. Chakka vannana nitthita. {327} Sattakesu. Satta samiciyoti pubbe vuttesu chasu sa ca bhikkhuni anabbhita ta ca bhikkhuniyo garayha ayam tattha samiciti imam pakkhipitva satta veditabba. Satta adhammika patinnatakaranati bhikkhu parajikam ajjhapanno hoti parajikena codiyamano sanghadisesam ajjhapannomhiti patijanati tam sangho sanghadisesena kareti adhammikam patinnatakarananti evam samathakkhandhake niddittha. Dhammikapi tattheva niddittha. Sattannam anapatti sattahakaraniyena gantunti vassupanayikakkhandhake vuttam. Sattanisamsa vinayadhareti tassadheyyo uposatho pavaranati imehi dvihi saddhim pancake vutta panca satta honti. Satta paramaniti chakke vuttaniyeva sattakavasena yojetabbani. Katacivarantiadini dve sattakani kathinakkhandhake nidditthani. Bhikkhussa na hoti apatti datthabba bhikkhussa hoti apatti datthabba bhikkhussa hoti apatti

The Pali Atthakatha in Roman Character Volume 3 Page 521. http://84000.org/tipitaka/read/attha_page.php?book=3&page=521&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=10629&modeTY=2&pagebreak=1 http://84000.org/tipitaka/atthapali/rm_line.php?B=3&A=10629&modeTY=2&pagebreak=1#p521