อรรถกถาเล่มที่ ๓ หน้าที่ ๖๓๑.

านปฺปเภทคมนญฺจ ทสฺเสตฺวา อิทานิ เตสํ กมฺมานํ การกสฺส สงฺฆสฺส ปริจฺเฉทํ ทสฺเสนฺโต ปุน จตุวคฺคกรเณ กมฺเมติอาทิมาห ฯ ตสฺสตฺโถ ปริสโต กมฺมวิปตฺติวณฺณนายํ วุตฺตนเยเนว เวทิตพฺโพติ ฯ กมฺมวคฺควณฺณนา นิฏฺิตา ฯ {๔๙๘} อิทานิ ยานิ ตานิ เตสํ กมฺมานํ วตฺถุภูตานิ สิกฺขาปทานิ เตสํ ปญฺตฺติยํ อานิสํสํ ทสฺเสตุํ เทฺว อตฺถวเส ปฏิจฺจาติอาทิ- มารทฺธํ ฯ ตตฺถ ทิฏฺธมฺมิกานํ อาสวานํ สํวรายาติ ปาณาติปาตาทีนํ ปญฺจนฺนํ ทิฏฺธมฺมิกเวรานํ สํวรตฺถาย ปิทหนตฺถาย ฯ สมฺปรายิกานํ อาสวานํ ปฏิฆาตายาติ วิปากทุกฺขสงฺขาตานํ สมฺปรายิกเวรานํ ปฏิฆาตตฺถาย สมุจฺเฉทตฺถาย อนุปฺปชฺชนตฺถาย ฯ ทิฏฺธมฺมิกานํ เวรานํ สํวรายาติ เตสํเยว ปญฺจนฺนํ เวรานํ สํวรตฺถาย ฯ สมฺปรายิกานํ เวรานนฺติ เตสํเยว วิปากทุกฺขานํ ฯ ทิฏฺธมฺมิกานํ วชฺชานํ สํวรายาติ เตสํเยว ปญฺจนฺนํ เวรานํ สํวรตฺถาย ฯ สมฺปรายิกานํ วชฺชานนฺติ เตสํเยว วิปากทุกฺขานํ ฯ วิปากทุกฺขาเนว หิ อิธ วชฺชนียภาวโต วชฺชานีติ วุตฺตานิ ฯ ทิฏฺธมฺมิกานํ ภยานนฺติ ครหา อุปวาโท ตชฺชนียาทีนิ กมฺมานิ อุโปสถปวารณานํ ปนํ อกิตฺติปกาสนียกมฺมนฺติ เอตานิ ทิฏฺธมฺมิกภยานิ นาม เอเตสํ สํวรตฺถาย ฯ สมฺปรายิกภยานิ ปน วิปากทุกฺขานิเยว เตสํ ปฏิฆาตตฺถาย ฯ ทิฏฺธมฺมิกานํ อกุสลานนฺติ ปญฺจเวรทสากุสล- กมฺมปถปฺปเภทานํ อกุสลานํ สํวรตฺถาย ฯ วิปากทุกฺขาเนว ปน อกฺเขมฏฺเน สมฺปรายิกอกุสลานีติ วุจฺจนฺติ เตสํ ปฏิฆาตตฺถาย ฯ

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๖๓๑. http://84000.org/tipitaka/read/attha_page.php?book=3&page=631&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=12807&pagebreak=1 http://84000.org/tipitaka/atthapali/th_line.php?B=3&A=12807&pagebreak=1#p631