อรรถกถาเล่มที่ ๓๐ ภาษาบาลี อักษรไทย
วิมาน.อ. (ปรมตฺถที.)
หน้าที่ ๓๖๗.

ตโต จุโต กาลกโตมฺหิ เทวตาติ ตโต มนุสฺสตฺตภาวโต จุโต มรณกาลปฺปตฺติยา,
ตตฺถ วา อายุสงฺขารสฺส เขปนสงฺขาตสฺส กาลสฺส กตตฺตา กาลกโต, ตทนนฺตรเมว
จ อมฺหิ เทวตา เทวตฺตภาวปฺปตฺติยา เทวตา โหมีติ อตฺโถ.
    #[๑๑๖๙]  ตยาติ ตยา สทิโส อญฺโญ มุนิ โมเนยฺยคุณยุตฺโต อิสิ นตฺถิ.
ตยาติ วา นิสฺสกฺเก อิทํ กรณวจนํ. เสสํ วุตฺตนยเมว.
                     โคปาลวิมานวณฺณนา  นิฏฺฐิตา.
                       -------------------
                     ๘๑. ๗. กณฺฐกวิมานวณฺณนา ๑-
     ปุณฺณมาเส ยถา จนฺโทติ กณฺฐกวิมานํ. ตสฺส กา อุปฺปตฺติ? ภควา
สาวตฺถิยํ วิหรติ เชตวเน. เตน สมเยน อายสฺมา มหาโมคฺคลฺลาโน เหฏฺฐา
วุตฺตนเยเนว เทวจาริกํ จรมาโน ตาวตึสภวนํ คโต, ตสฺมึ ขเณ กณฺฐโก ๒- เทวปุตฺโต
สกภวนโต นิกฺขมิตฺวา ทิพฺพยานํ อภิรุหิตฺวา มหนฺเตน ปริวาเรน มหติยา
เทวิทฺธิยา อุยฺยานํ คจฺฉนฺโต อายสฺมนฺตํ มหาโมคฺคลฺลานํ ทิสฺวา สญฺชาตคารว-
พหุมาโน สหสา ยานโต โอรุยฺห เถรํ อุปสงฺกมิตฺวา ปญฺจปติฏฺฐิเตน วนฺทิตฺวา
สิรสฺมึ อญฺชลึ ปคฺคยฺห อฏฺฐาสิ. อถ นํ เถโร:-
     [๑๑๗๑]   "ปุณฺณมาเส ยถา จนฺโท      นกฺขตฺตปริวาริโต
               สมนฺตา อนุปริยาติ         ตารกาธิปตี สสี.
     [๑๑๗๒]    ตถูปมํ อิทํ พฺยมฺหํ          ทิพฺพํ เทวปุรมฺหิ จ
               อติโรจติ วณฺเณน          อุทยนฺโตว รํสิมา.
@เชิงอรรถ: ๑ ฉ.ม. กณฺฑกวิมาน... เอวมุปริปิ  ๒ สี.,อิ. กนฺถโก


เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๓๖๗.
http://84000.org/tipitaka/read/attha_page.php?book=30&page=367&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=30&A=7725&modeTY=2&pagebreak=1
http://84000.org/tipitaka/atthapali/th_line.php?B=30&A=7725&modeTY=2&pagebreak=1#p367