บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 30 : PALI ROMAN Vimana.A. (paramatthadi.) Page 143.
"cuta"ti vuccati, tasma cutim visesetum "kalakata"ti vuttam. Kalakatapi ca na yattha katthaci nibbatta, apica kho devattam upagatati dassenti aha "amhi devata"ti. #[302] Tadeva kammam kusalam katam mayati tadeva ucchukhandadanamattam kusalam kammam katam maya, annam na janamiti attho. Sukhanca kammanti sukhanca kammaphalam. Kammaphalam hi idha "kamman"ti vuttam uttarapadalopena, karanopacarena va "kusalanam bhikkhave dhammanam samadanahetu evamidam punnam pavaddhati. 1- Anubhomi sakam punnan"ti 2- ca adisu viya. Kammanti va karanatthe upayogavacanam, kammenati attho. Kamme va bhavam kammam yatha 3- kammanti. Atha va kametabbataya kammam. Tam hi sukharajaniyabhavato kamupasamhitam kametabbanti kamaniyam. Attanati attana eva, sayamvasitaya seribhavena sayamevati attho. Paricarayamaham attananti purimagathaya "attana"ti vuttam padam vibhattiviparinamena "attanan"ti yojetabbam. #[303-5] Devindaguttati devindena sakkena gutta, devindo viya va gutta mahaparivarataya. Samappitati sutthu appita samannagata. Mahavipakati vipulaphala. Mahajutikati mahateja, mahanubhavati attho. #[306] Tuvanti tam. Anukampakanti karunikam. Vidunti sappannam, savaka- paramiya matthakam pattanti attho. Upeccati upagantva. Vandinti pancapatitthitena abhivadayim. Kusalanca arogyam pucchisam apucchim, atulaya pitiya idanca kusalam anussaramiti adhippayo. Sesam hettha vuttanayameva. Ucchudayikavimanavannana nitthita. @Footnote: 1 di.pa. 11/80/49 2 khu.vimana. 26/133/20 3 Ma. yathahaThe Pali Atthakatha in Roman Character Volume 30 Page 143. http://84000.org/tipitaka/read/attha_page.php?book=30&page=143&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=30&A=3045&modeTY=2&pagebreak=1 http://84000.org/tipitaka/atthapali/rm_line.php?B=30&A=3045&modeTY=2&pagebreak=1#p143
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]