ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๐ ภาษาบาลี อักษรไทย วิมาน.อ. (ปรมตฺถที.)

หน้าที่ ๑๕๕.

ปริคฺคหวตฺถูสุ อุปฺปชฺชนกํ มจฺเฉรํ อภิภุยฺย อภิภวิตฺวา อนุปฺปาเทตฺวา
ปติพฺพตาธมฺมสฺส จ อุปาสิกาธมฺมสฺส จ สมฺมเทว จรณโต ธมฺมจารินี สา สคฺคมฺหิ
เทวโลเก โมทติ, ปโมทํ อาปชฺชตีติ. เสสํ วุตฺตนยเมว.
                      ลตาวิมานวณฺณนา  นิฏฺิตา.
                      --------------------
                      ๓๓. ๕. คุตฺติลวิมานวณฺณนา
       สตฺตตนฺตึ สุมธุรนฺติ  คุตฺติลวิมานํ. ตสฺส กา อุปฺปตฺติ? ภควติ ราชคเห
วิหรนฺเต อายสฺมา มหาโมคฺคลฺลาโน เหฏฺา วุตฺตนเยเนว เทวจาริกํ จรนฺโต
ตาวตึสภวนํ คนฺตฺวา ตตฺถ ปฏิปาฏิยา ิเตสุ ฉตฺตึสาย วิมาเนสุ ฉตฺตึส เทวธีตโร
ปจฺเจกํ อจฺฉราสหสฺสปริวารา มหตึ ทิพฺพสมฺปตฺตึ อนุภวนฺติโย ทิสฺวา ตาหิ
ปุพฺเพ กตกมฺมํ "อภิกฺกนฺเตน วณฺเณนา"ติอาทีหิ ตีหิ คาถาหิ ปฏิปาฏิยา ปุจฺฉิ.
ตาปิ ตสฺส ปุจฺฉานนฺตรํ "วตฺถุตฺตมทายิกา นารี"ติอาทินา พฺยากรึสุ. อถ
เถโร ตโต มนุสฺสโลกํ อาคนฺตฺวา ภควโต เอตมตฺถํ อาโรเจสิ. ตํ สุตฺวา ภควา
"โมคฺคลฺลาน ตา เทวตา น เกวลํ ตยา เอว ปุจฺฉิตา เอวํ พฺยากรึสุ, อถ
โข ปุพฺเพ มยาปิ ปุจฺฉิตา เอวเมว พฺยากรึสู"ติ วตฺวา เถเรน ยาจิโต อตีตํ
อตฺตโน คุตฺติลาจริยํ กเถสิ.
       อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต คนฺธพฺพกุเล
นิพฺพตฺติตฺวา คนฺธพฺพสิปฺเป ปริโยทาตสิปฺปตาย ติมฺพรุนารทสทิโส ๑- สพฺพทิสาสุ
ปากโฏ ปญฺาโต อาจริโย อโหสิ นาเมน คุตฺติโล นาม. โส อนฺเธ ชิณฺเณ มาตาปิตโร
โปเสสิ. ๒- ตสฺส สิปฺปนิปฺผตฺตึ สุตฺวา อุชฺเชนิวาสี มุสิโล ๓- นาม คนฺธพฺโพ
@เชิงอรรถ:  ม. ติมฺพรุนาสทิโส, อิ. ติมฺพรุนาทสทิโส  สี.อิ. โปเสติ   สี.อิ. มูสิโล



เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๑๕๕. http://84000.org/tipitaka/read/attha_page.php?book=30&page=155&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=3299&pagebreak=1 http://84000.org/tipitaka/atthapali/th_line.php?B=30&A=3299&pagebreak=1#p155


จบการแสดงผล หน้าที่ ๑๕๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]