romanATTHA book 30 Page 282.

Vuttam. ^1- #[910] Tattha uccanti accuggatam. Manithunanti padumaragadimanimayathambham. Samantatoti catusupi passesu. Rucakatthatati tassam tassam bhumiyam suvannaphalakehi atthata. #[911] Pivasi khadasi cati kalena kalam upayujjamanam gandhapanam sudha- bhojananca sandhaya vadati. Pavadantiti pavajjanti. Dibba rasa kamagunettha pancati dibba rasa anappaka panca kamaguna ettha etasmim tava vimane samvijjantiti attho. Suvannachannati hemabharanavibhusita. #[915] Satisamuppadakaroti satuppadakaro, yena punnakammena ayam dibba- sampatti maya laddha, tattha satuppadassa karako, "kakkatakarasadanena ayam taya ^2- sampatti laddha"ti evam satuppadam karontoti attho. Nitthito jatarupassati jatarupena siddho jatarupamayo. Ekamekasmim passe panca panca katva dasa pada etassati dasapadako dvare kakkatako thito sobhati. So eva mama punnakammam tadisanam mahesinam vibhaveti, na ettha maya vattabbam atthiti adhippayo. Tenaha "tena me'tadiso vanno"tiadi. Sesam vuttanayameva. Kakkatakarasadayakavimanavannana nitthita. --------------- @Footnote: ¹ cha.Ma. ayam patho nadissati ² i. maha, Ma. maya

The Pali Atthakatha in Roman Character Volume 30 Page 282. http://84000.org/tipitaka/read/attha_page.php?book=30&page=282&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=30&A=5953&modeTY=2&pagebreak=1 http://84000.org/tipitaka/atthapali/rm_line.php?B=30&A=5953&modeTY=2&pagebreak=1#p282