อรรถกถาเล่มที่ ๓๐ หน้าที่ ๓๓๑.

วิชฺชตีติ เสฏฺโ ตาว ติฏฺตุ, สโม เอว น วิชฺชตีติ อตฺโถ. อาหุเนยฺยานํ ปรมาหุตึ คโตติ อิมสฺมึ โลเก ยตฺตกา อาหุเนยฺยา นาม, เตสุ สพฺเพสุ ปรมาหุตึ ปรมํ อาหุเนยฺยภาวํ คโต. "ทกฺขิเณยฺยานํ ปรมคฺคตํ คโต"ติ วา ปาโ, ตตฺถ ปรมคฺคตนฺติ ปรมํ อคฺคภาวํ, อคฺคทกฺขิเณยฺยภาวนฺติ อตฺโถ. เกสนฺติ อาห "ปุญฺตฺถิกานํ วิปุลปฺผเลสินนฺ"ติ, ปุญฺเน อตฺถิกานํ วิปุลํ มหนฺตํ ปุญฺผลํ อิจฺฉนฺตานํ, ตถาคโต เอว โลกสฺส ปุญฺกฺเขตฺตนฺติ ทสฺเสติ. เกจิ ปน "อาหุเนยฺยานํ ปรมคฺคตํ คโต"ติ ปนฺติ, โสเยว อตฺโถ. เอวํ กเถนฺตเมว ตํ เถโร กลฺลจิตฺตํ มุทุจิตฺตํ วินีวรณจิตฺตํ อุทคฺคจิตฺตํ ปสนฺนจิตฺตญฺจ ตฺวา สจฺจานิ ปกาเสสิ, โส สจฺจปริโยสาเน โสตาปตฺติผเล ปติฏฺหิ. อถ เถโร มนุสฺสโลกํ อาคนฺตฺวา ภควโต ตมตฺถํ อตฺตนา จ เทวปุตฺเตน จ กถิตนิยาเมเนว อาโรเจสิ. สตฺถา มตมฺถํ อฏฺุปฺปตฺตึ กตฺวา สมฺปตฺตปริสาย ธมฺมํ เทเสสิ, สา เทสนา มหาชนสฺส สาตฺถิกา อโหสีติ. มหารถวิมานวณฺณนา นิฏฺิตา. อิติ ปรมตฺถทีปนิยา ขุทฺทกฏฺกถาย วิมานวตฺถุสฺมึ จุทฺทสวตฺถุปฏิมณฺฑิตสฺส ปญฺจมสฺส มหารถวคฺคสฺส อตฺถวณฺณนา นิฏฺิตา. ---------------------

เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๓๓๑. http://84000.org/tipitaka/read/attha_page.php?book=30&page=331&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=6988&pagebreak=1 http://84000.org/tipitaka/atthapali/th_line.php?B=30&A=6988&pagebreak=1#p331