อรรถกถาเล่มที่ ๓๐ หน้าที่ ๓๔๐.

๖๙. ๕. ทุติยอุปสฺสยทายกวิมานวณฺณนา สูริโย ยถา วิคตวลาหเก นเภติ ทุติยอุปสฺสยทายกวิมานํ. ตสฺส กา อุปฺปตฺติ? ภควา ราชคเห วิหรติ เวฬุวเน. เตน สมเยน สมฺพหุลา ภิกฺขู คามกาวาเส วสฺสํ วสิตฺวา ภควนฺตํ ทสฺสนาย ราชคหํ อุทฺทิสฺส คจฺฉนฺตา สายํ อญฺญตรํ คามํ สมฺปาปุณึสุ. เสสํ อนนฺตรวิมานสทิสเมว. [๑๐๗๕] สูริโย ยถา วิคตวลาหเก นเภ ฯเปฯ (ยถา เหฏฺฐา ปุริมวิมานํ, ตถา วิตฺถาเรตพฺพํ.) [๑๐๗๙] วณฺโณ จ เม สพฺพทิสา ปภาสตีติ. ตตฺถ คาถาสุปิ อปุพฺพํ นตฺถิ. ทุติยอุปสฺสยทายกวิมานวณฺณนา นิฏฺฐิตา. ------------------- ๗๐. ๖. ภิกฺขาทายกวิมานวณฺณนา อุจฺจมิทํ มณิถูณํ วิมานนฺติ ภิกฺขาทายกวิมานํ. ตสฺส กา อุปฺปตฺติ? ภควา ราชคเห วิหรติ เวฬุวเน. เตน สมเยน อญฺญตโร ภิกฺขุ อทฺธานมคฺคปฏิปนฺโน อญฺญตรํ คามํ ปิณฺฑาย ปวิฏฺโฐ เอกสฺส ฆรทฺวาเร อฏฺฐาสิ. ตตฺถ อญฺญตโร ปุริโส โธตหตฺถปาโท "ภุญฺชิสฺสามี"ติ นิสินฺโน โภชนํ อุปเนตฺวา ปาติยา ^๑- ปกฺขิตฺเต ตํ ภิกฺขุํ ทิสฺวา ปาติยา ภตฺตํ ตสฺส ภิกฺขุโน ปตฺเต อากิรนฺโต เตน "เอกเทสเมว เทหี"ติ วุตฺโตปิ สพฺพเมว อากิริ, โส ภิกฺขุ อนุโมทนํ วตฺวา ปกฺกามิ. โส @เชิงอรรถ: ^๑ อิ. ภาชเน

เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๓๔๐. http://84000.org/tipitaka/read/attha_page.php?book=30&page=340&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=7174&modeTY=2&pagebreak=1 http://84000.org/tipitaka/atthapali/th_line.php?B=30&A=7174&modeTY=2&pagebreak=1#p340