ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๑ ภาษาบาลี อักษรไทย เปต.อ. (ปรมตฺถที.)

หน้าที่ ๓๐๓.

อนฺโต ภวิสฺสตีติ โลหกุมฺภินิรเย ปจฺจมานานํ อมฺหากํ กทา นุ โข อิมสฺส
ทุกฺขสฺส อนฺโต ปริโยสานํ ภวิสฺสติ.
    #[๘๐๓] ตถา หีติ ยถา ตุยฺหํ มยญฺจ อิมสฺส ทุกฺขสฺส นตฺถิ อนฺโต,
น อนฺโต ปฏิทิสฺสติ, ตถา เตน ปกาเรน ปาปกํ กมฺมํ ปกตํ ตยา มยา
จาติ วิภตฺตึ วิปริณาเมตฺวา วตฺตพฺพํ.
    #[๘๐๔] ทุชฺชีวิตนฺติ วิญฺูหิ ครหิตพฺพํ ชีวิตํ. เย สนฺเตติ เย มยํ สนฺเต
วิชฺชมาเน เทยฺยธมฺเม. น ททมฺหเสติ น อทมฺห. วุตฺตเมวตฺถํ ปากฏตรํ กาตุํ
"สนฺเตสุ เทยฺยธมฺเมสุ, ทีปํ นากมฺห อตฺตโน"ติ วุตฺตํ.
    #[๘๐๕] โสหนฺติ โส อหํ. นูนาติ ปริวิตกฺเก ๑- นิปาโต. อิโตติ อิมสฺมา
โลหกุมฺภินิรยา. คนฺตฺวาติ อปคนฺตฺวา. โยนึ ลทฺธาน มานุสินฺติ มนุสฺสโยนึ
มนุสฺสตฺตภาวํ ลภิตฺวา. วทญฺูติ ปริจฺจาคสีโล, ๒-  ยาจกานํ วา วจนญฺู.
สีลสมฺปนฺโนติ สีลาจารสมฺปนฺโน. กาหามิ กุสลํ พหุนฺติ ปุพฺเพ วิย ปมาทํ
อนาปชฺชิตฺวา พหุํ ปหูตํ กุสลํ ปุญฺกมฺมํ กริสฺสามิ, อุปจินิสฺสามีติ อตฺโถ.
     สตฺถา อิมา คาถาโย วตฺวา วิตฺถาเรน ธมฺมํ เทเสสิ, เทสนาปริโยสาเน
มตฺติการตฺตุปฺปลหารโก ปุริโส โสตาปตฺติผเล ปติฏฺหิ, ราชา สญฺชาตสํเวโค
ปรปริคฺคเห อภิชฺฌํ ปหาย สทารสนฺตุฏฺโ อโหสีติ.
                    เสฏฺิปุตฺตเปตวตฺถุวณฺณนา นิฏฺิตา.
                       ------------------
@เชิงอรรถ:  สี.,อิ. วุตฺตปริวิตกฺเก          สี. ปริจฺจาคสีโล วา



เนื้อความอรรถกถาฉบับภาษาบาลี อักษรไทย เล่มที่ ๓๑ หน้าที่ ๓๐๓. http://84000.org/tipitaka/read/attha_page.php?book=31&page=303&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=31&A=6717&pagebreak=1 http://84000.org/tipitaka/atthapali/th_line.php?B=31&A=6717&pagebreak=1#p303


จบการแสดงผล หน้าที่ ๓๐๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]