ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๑ ภาษาบาลี อักษรไทย เปต.อ. (ปรมตฺถที.)

หน้าที่ ๔๙.

อิธาคตาติ อิมํ เปตโลกํ อาคตา, เปตตฺตภาวํ อุปคตา. จิรรตฺตาย ขาทตีติ จิรกาลํ
คูถาทิเมว ขาทติ. ตสฺสา หิ เยนากาเรน อกฺกุฏฺ, เตเนวากาเรน ปวตฺตมานมฺปิ ผลํ.
ยํ อุทฺทิสฺส อกฺกุฏฺ, ๑-  ตโต อญฺตฺถ ปวิยํ กมนฺตกสงฺขาเต มตฺถเก อสนิปาโต
วิย อตฺตโน อุปริ ปตติ.
     เอวํ โส เทวปุตฺโต ตาย ปุพฺเพ กตกมฺมํ กเถตฺวา ปุน ตํ ภิกฺขุํ อาห
"อตฺถิ ปน ภนฺเต โกจิ อุปาโย อิมํ เปตโลกโต โมเจตุนฺ"ติ. "อตฺถี"ติ จ วุตฺเต
"กเถถ ภนฺเต"ติ. ยทิ ภควโต อริยสํฆสฺส จ เอกสฺเสว วา ภิกฺขุโน ทานํ
ทตฺวา อิมิสฺสา อุทฺทิสิยติ, อยญฺจ ตํ อนุโมทติ, เอวเมติสฺสา อิโต ทฺกฺขโต มุตฺติ
ภวิสฺสตีติ. ตํ สุตฺวา เทวปุตฺโต ตสฺส ภิกฺขุโน ปณีตํ อนฺนปานํ ทตฺวา ตํ
ทกฺขิณํ ตสฺสา เปติยา อาทิสิ, ๒-  ตาวเทว สา เปตี สุหิตา ปีณินฺทฺริยา
ทิพฺพาหารสฺส ติตฺตา อโหสิ. ปุน ตสฺเสว ภิกฺขุโน หตฺเถ ทิพฺพสาฏกยุคํ ภควนฺตํ
อุทฺทิสฺส ทตฺวา ตญฺจ ทกฺขิณํ เปติยา อาทิสิ, ตาวเทว จ สา ทิพฺพวตฺถนิวตฺถา
ทิพฺพาลงฺการวิภูสิตา สพฺพกามสมิทฺธา เทวจฺฉราปฏิภาคา อโหสิ. โส จ ภิกฺขุ
ตสฺส เทวปุตฺตสฺส อิทฺธิยา ตทเหว สาวตฺถึ ปตฺวา เชตวนํ ปวิสิตฺวา ภควโต
สนฺติกํ อุปคนฺตฺวา วนฺทิตฺวา ตํ สาฏกยุคํ ทตฺวา ตํ ปวตฺตึ อาโรเจสิ. ภควาปิ
ตมตฺถํ อฏฺุปฺปตฺตึ กตฺวา สมฺปตฺตปริสาย ธมฺมํ เทเสสิ, สา เทสนา มหาชนสฺส
สาตฺถิกา อโหสีติ.
                   มหาเปสการเปติวตฺถุวณฺณนา นิฏฺิตา.
                       ------------------
@เชิงอรรถ:  สี. อกนฺตํ        สี.,อิ. อทาสิ



เนื้อความอรรถกถาฉบับภาษาบาลี อักษรไทย เล่มที่ ๓๑ หน้าที่ ๔๙. http://84000.org/tipitaka/read/attha_page.php?book=31&page=49&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=31&A=1077&pagebreak=1 http://84000.org/tipitaka/atthapali/th_line.php?B=31&A=1077&pagebreak=1#p49


จบการแสดงผล หน้าที่ ๔๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]