อรรถกถาเล่มที่ ๓๒ หน้าที่ ๔๒๔.

ตณฺหาวสฺสุตาภาเวน อนวสฺสุโต, สํสาเร ภยสฺส อิกฺขนโต ภินฺนกิเลสตาย วา ภิกฺขุ สนฺตุฏฺฐิฏฺฐานียสฺส สติสมฺปชญฺญสฺส ^๑- วเสน สโต หุตฺวา ปริพฺพเช จเรยฺย วิหเรยฺยาติ. ตํ สุตฺวา เต ภิกฺขู ตาวเทว เถรํ ขมาเปสุํ. ติสฺสตฺเถรคาถาวณฺณนา นิฏฺฐิตา. --------------- ๒๗๕. ๘. กิมฺพิลตฺเถรคาถาวณฺณนา ^๒- ปาจีนวํสทายมฺหีติอาทิกา อายสฺมโต กิมฺพิลตฺเถรสฺส คาถา. กา อุปฺปตฺติ? ตสฺส ปุพฺพภาโค ^๓- สํเวคุปฺปตฺติ ปพฺพชฺชา จ เอกกนิปาเต "อภิสตฺโต"ติ คาถาย สํวณฺณนายํ วุตฺตาเยว. ตาย จ คาถาย เถเรน อตฺตโน วิเสสาธิคมสฺส การณํ ทสฺสิตํ. อิธ ปน อธิคตวิเสสสฺส ^๔- อตฺตโน อายสฺมตา จ อนุรุทฺเธน อายสฺมตา จ นนฺทิเยน สห สมคฺควาโส ทสฺสิโตติ เวทิตพฺพํ. ^๔- สมคฺควาสํ ปน วสนฺตา เต ยถา จ วสึสุ, ตํ ทสฺเสนฺโต:- [๑๕๕] "ปาจีนวํสทายมฺหิ สกฺยปุตฺตา สหายกา ปหายานปฺปเก โภเค อุญฺเฉ ปตฺตาคเต ^๕- รตา. [๑๕๖] อารทฺธวีริยา ปหิตตฺตา นิจฺจํ ทฬฺหปรกฺกมา รมนฺติ ธมฺมรติยา หิตฺวาน โลกิยํ รตินฺ"ติ คาถาทฺวยํ อภาสิ. ตตฺถ ปาจีนวํสทายมฺหีติ ปาจีนวํสนามเก รกฺขิตโคปิเต สหปริจฺเฉเท วเน. ตํ หิ วนํ คามสฺส ปาจีนทิสายํ ฐิตตฺตา วํสคุมฺพปริกฺขิตฺตตฺตา จ "ปาจีนวํสทาโย"ติ @เชิงอรรถ: ^๑ ม. สนฺตุฏฺโฐ นิสฺสรณสมฺปชญฺญสฺส ^๒ ฉ.ม. กิมิลตฺเถร.... เอวมุปริปิ @^๓ ฉ.ม. ปุพฺพโยโค ^๔-๔ สี. อตฺตโน อายสฺมตา จ นนฺทิเยน สมคฺควาโสติ เวทิตพฺพํ @^๕ ปาลิ. อุญฺฉาปตฺตาคเต

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๔๒๔. http://84000.org/tipitaka/read/attha_page.php?book=32&page=424&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=9464&modeTY=2&pagebreak=1 http://84000.org/tipitaka/atthapali/th_line.php?B=32&A=9464&modeTY=2&pagebreak=1#p424