romanATTHA book 32 Page 134.

Kacci silamayam gandham vayasiti attho. Athava netara pajati na ^1- itara dussilapaja, tam kacci ^2- na hoti, yato silamayam gandham vayasiti byatirekena silagandhavayanameva vibhaveti. Jambugamikaputtattheragathavannana nitthita. ---------------- 166. 9. Haritattheragathavannana samunnamayamattananti ayasmato haritattherassa gatha. Ka uppatti? so kira purimabuddhesu katadhikaro hutva tattha tattha vivattupanissayam punna- sambharam upacinanto ito ekatimse kappe sudassanam nama paccekasambuddham disva pasannamanaso kutajapupphehi pujam katva tena punnakammena sugatisuyeva parivattento imasmim buddhuppade savatthinagare brahmanamahasalakule nibbatti. Haritotissa ^3- namam ahosi. Tassa vayappattassa matapitaro kularupadihi anucchavikam kumarikam brahmanadhitaram anesum. So taya saddhim bhogasukham anubhavanto ekadivasam attano tassa ca rupasampattim oloketva dhammataya codiyamano "idisam nama rupam na cirasseva jaraya maccuna ca abhippamaddiyati"ti samvegam patilabhi. Katipayadivasatikkameneva cassa bhariyam kanhasappo damsitva maresi. So tena bhiyyoso mattaya sanjatasamvego satthu santikam gantva dhammam sutva gharabandhane chinditva pabbaji. Tassa ca cariyanukulam kammatthanam gahetva viharantassa kammatthanam na sampajjati, cittam ujugatam na hoti. So gamam pindaya pavittho annataram usukaram usudandam ^4- yante pakkhipitva ujum karontam disva "ime acetanampi namam ujum karonti, kasma @Footnote: ¹ Si. na-saddo na dissati ² Si. kinci ³ Ma. haritoti ⁴ Si. usudandakam

The Pali Atthakatha in Roman Character Volume 32 Page 134. http://84000.org/tipitaka/read/attha_page.php?book=32&page=134&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=3024&modeTY=2&pagebreak=1 http://84000.org/tipitaka/atthapali/rm_line.php?B=32&A=3024&modeTY=2&pagebreak=1#p134