ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๒ ภาษาบาลี อักษรไทย เถร.อ.๑ (ปรมตฺถที.๑)

หน้าที่ ๑๘๓.

     [๔๖] ตตฺถ สทฺธายาติ ธมฺมจฺฉนฺทสมุฏฺานาย กมฺมผลสทฺธาย เจว
รตนตฺตยสทฺธาย จ. อหนฺติ อตฺตานํ นิทฺทิสติ. ๑- ปพฺพชิโตติ อุปคโต. ๒- อคารสฺมาติ
เคหโต ฆราวาสโต วา. อนคาริยนฺติ ปพฺพชฺชํ, สา หิ ยํ กิญฺจิ กสิวาณิชฺชาทิกมฺมํ
`อคารสฺส หิตนฺ'ติ อคาริยํ นาม, ตทภาวโต "อนคาริยา"ติ วุจฺจติ. สติ ปญฺา
จ เม วุฑฺฒาติ สรณลกฺขณา สติ, ปชานนลกฺขณา ปญฺาติ อิเม ธมฺมา
วิปสฺสนากฺขณโต ๓- ปฏฺาย มคฺคปฏิปาฏิยา ยาว อรหตฺตา เม วุฑฺฒา วฑฺฒิตา,
น ทานิ วฑฺเฒตพฺพา อตฺถิ, สติปญฺา เวปุลฺลปฺปตฺตาติ ทสฺเสติ. จิตฺตญฺจ
สุสมาหิตนฺติ อฏฺสมาปตฺติวเสน เจว โลกุตฺตรสมาธิวเสน ๔- จ จิตฺตํ เม สุฏฺุ
สมาหิตํ, น ทานิ ตสฺส สมาธาตพฺพํ อตฺถิ, สมาธิ เวปุลฺลปฺปตฺโตติ ทสฺเสติ.
ตสฺมา กามํ กรสฺสุ รูปานีติ ปาปิม มํ อุทฺทิสฺส ยานิ กานิจิ วิปฺปการานิ
ยถารุจึ กโรหิ, เตหิ ปน เนว มํ พฺยาธยิสฺสสิ มม สรีรกมฺปนมตฺตมฺปิ กาตุํ
น สกฺขิสฺสสิ, กุโต จิตฺตญฺถตฺตํ. ตสฺมา ตว กิริยา อปฺปฏิจฺฉิตปเหนกํ วิย
น กิญฺจิ อตฺถํ สาเธติ, เกวลํ ตว จิตฺตวิฆาตมตฺตผลาติ เถโร มารํ ตชฺเชสิ.
ตํ สุตฺวา มาโร "ชานาติ มํ สมโณ"ติ ตตฺเถวนฺตรธายิ.
                    สมิทฺธิตฺเถรคาถาวณฺณนา นิฏฺิตา.
                         --------------
                    ๑๘๔. ๗. อุชฺชยตฺเถรคาถาวณฺณนา
      นโม เต พุทฺธ วีรตฺถูติ อายสฺมโต อุชฺชยตฺเถรสฺส  คาถา. กา อุปฺปตฺติ?
      อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺานิ กโรนฺโต อิโต
@เชิงอรรถ:  สี. อุทฺทิสติ   ม. ปพฺพชฺชํ อุปคโต
@ โปฏฺเกสุ วิปสฺสนาลกฺขณโตติ ปาโ ทิสฺสติ    สี. โลกุตฺตรธมฺมาทิวเสน



เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๑๘๓. http://84000.org/tipitaka/read/attha_page.php?book=32&page=183&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=4111&pagebreak=1 http://84000.org/tipitaka/atthapali/th_line.php?B=32&A=4111&pagebreak=1#p183


จบการแสดงผล หน้าที่ ๑๘๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]