อรรถกถาเล่มที่ ๓๒ หน้าที่ ๒๘๒.

ชนตํ อนุกมฺปนฺโต อมฺพเร จงฺกมี ตทา. จงฺกมิตฺวาน สมฺพุทฺโธ สพฺพญฺู โลกนายโก เมตฺตาย อผริ สตฺเต อปฺปมาเณ นิรูปธิ. วณฺเฏ เฉตฺวาน ปุปฺผานิ พฺราหฺมโณ มนฺตปารคู สพฺเพ สิสฺเส สมาเนตฺวา อากาเส อุกฺขิปาปยิ. ยาวตา นครํ อาสิ ปุปฺผานํ ฉทนํ ตทา พุทฺธสฺส อานุภาเวน สตฺตาหํ น วิคจฺฉถ. เตเนว สุกฺกมูเลน อนุโภตฺวาน สมฺปทา สพฺพาสเว ปริญฺาย ติณฺโณ โลเก วิสตฺติกํ. เอการเส กปฺปสเต ปญฺจตึสาสุ ขตฺติยา อมฺพรํสสนามา เต ^๑- จกฺกวตฺตี มหพฺพลา. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. อรหตฺตํ ปน ปตฺวา เถโร อญฺ พฺยากโรนฺโต ตเมว คาถํ ปจฺจุทาหาสิ. นีตตฺเถรคาถาวณฺณนา นิฏฺิตา. -------------- ๒๒๒. ๕. สุนาคตฺเถรคาถาวณฺณนา จิตฺตนิมิตฺตสฺส โกวิโทติ อายสฺมโต สุนาคตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ กุสลํ อุปจินนฺโต อิโต เอกตฺตึเส กปฺเป สิขิสฺส ภควโต กาเล พฺราหฺมณกุเล นิพฺพตฺติตฺวา วยปฺปตฺโต ติณฺณํ เวทานํ ปารคู หุตฺวา อรญฺายตเน อสฺสเม วสนฺโต ตีณิ @เชิงอรรถ: ^๑ สี. อพฺภสา นาม นาเมน

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๒๘๒. http://84000.org/tipitaka/read/attha_page.php?book=32&page=282&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=6280&pagebreak=1 http://84000.org/tipitaka/atthapali/th_line.php?B=32&A=6280&pagebreak=1#p282