อรรถกถาเล่มที่ ๓๒ หน้าที่ ๓๓๖.

[๑๐๘] "ส วีสวสฺสสติโก ปพฺพชึ อนคาริยํ ติสฺโส วิชฺชา อนุปฺปตฺตา กตํ พุทฺธสฺส สาสนนฺ"ติ คาถํ อภาสิ. ตตฺถ ส วีสวสฺสสติโกติ โส วีสํวสฺสสติโก, โส อหํ ชาติยา วีสาธิก- วสฺสสติโก สมาโน. ปพฺพชินฺติ ปพฺพชฺชํ อุปคจฺฉึ. เสสํ วุตฺตนยเมว. อิทเมว จ อิมสฺส เถรสฺส อญฺาพฺยากรณํ อโหสิ. ธมฺมสฏปิตุตฺเถรคาถาวณฺณนา นิฏฺิตา. ------------- ๒๔๖. ๙. สํฆรกฺขิตตฺเถรคาถาวณฺณนา น นูนายํ ปรมหิตานุกมฺปิโนติ อายสฺมโต สํฆรกฺขิตตฺเถรสฺส คาถา. กา อุปฺปตฺติ? โสปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺานิ อุปจินนฺโต อิโต จตุนฺนวุเต กปฺเป กุลเคเห นิพฺพตฺติตฺวา วิญฺุตํ ปตฺโต เอกทิวสํ ปพฺพตปาเท วสนฺเต สตฺต ปจฺเจกพุทฺเธ ทิสฺวา ปสนฺนมานโส กทมฺพปุปฺผานิ คเหตฺวา ปูเชสิ. โส เตน ปุญฺกมฺเมน เทวโลเก นิพฺพตฺติตฺวา อปราปรํ ปุญฺานิ กตฺวา สุคตีสุเยว สํสรนฺโต อิมสฺมึ พุทฺธุปฺปาเท สาวตฺถิยํ อิทฺธกุเล ^๑- นิพฺพตฺติ, ตสฺส สํฆรกฺขิโตติ นามํ อโหสิ. โส วิญฺุตํ ปตฺโต ปฏิลทฺธสทฺโธ ปพฺพชิตฺวา กมฺมฏฺานํ คเหตฺวา อญฺตรํ ภิกฺขุํ สหายํ กตฺวา อรญฺเ วิหรติ. เถรสฺส วสนฏฺานโต อวิทูเร วนคุมฺเพ เอกา มิคี วิชายิตฺวา ตรุณํ ฉาปํ รกฺขนฺตี ฉาตชฺฌตฺตาปิ ปุตฺตสิเนเหน ทูเร โคจราย น คจฺฉติ, อาสนฺเน จ ติโณทกสฺส อลาเภน กิลมติ. ตํ ทิสฺวา @เชิงอรรถ: ^๑ ฉ.ม. อิพฺภกุเล, สี. อิทฺเธ กุลเคเห

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๓๓๖. http://84000.org/tipitaka/read/attha_page.php?book=32&page=336&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=7473&pagebreak=1 http://84000.org/tipitaka/atthapali/th_line.php?B=32&A=7473&pagebreak=1#p336