อรรถกถาเล่มที่ ๓๒ หน้าที่ ๓๖๘.

ยาทิโส เถรสฺส ปมาโท, ตํ ปฏิกฺเขปวเสน ทสฺเสนฺโต "กึ เต พิฬิพิฬิกา กริสฺสตี"ติ อาห. ตตฺถ พิฬิพิฬิกาติ วิฬิวิฬิกิริยา, พิฬิพิฬีติ สทฺทปวตฺติ ยถา นิรตฺถกา, เอวํ พิฬิพิฬิกาสทิสา ^๑- ชนปญฺตฺติ กึ เต กริสฺสติ ^๒- กีทิสํ อตฺถํ ตุยฺหํ สาเธติ, ตสฺมา ชนปญฺตฺตึ ปหาย สทตฺถปสุโต โหหีติ โอวาทํ อทาสิ. ตํ สุตฺวา อญฺเหิ วุตฺตวิสคนฺธวายนวจเนน ^๓- สํเวคชาโต พหุเทว รตฺตึ จงฺกเมน วีตินาเมนฺโต วิปสฺสนํ อุสฺสุกฺกาเปตฺวา เสนาสนํ ปวิสิตฺวา มญฺจเก นิปนฺนมตฺโตว อรหตฺตํ ปาปุณิ. วชฺชีปุตฺตตฺเถรคาถาวณฺณนา นิฏฺิตา. ------------ ๒๕๗. ๑๐. อิสิทตฺตตฺเถรคาถาวณฺณนา ปญฺจกฺขนฺธา ปริญฺาตาติ อายสฺมโต อิสิทตฺตตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ ปุญฺ อุปจินนฺโต วิปสฺสิสฺส ภควโต กาเล กุลเคเห นิพฺพตฺติตฺวา วิญฺุตํ ปตฺโต เอกทิวสํ ภควนฺตํ รถิยํ คจฺฉนฺตํ ทิสฺวา ปสนฺนมานโส มธุรํ อาโมทผลํ อทาสิ. โส เตน ปุญฺกมฺเมน เทวโลเก นิพฺพตฺติตฺวา อปราปรํ ปุญฺานิ กตฺวา เทวมนุสฺเสสุ สํสรนฺโต อิมสฺมึ พุทฺธุปฺปาเท อวนฺติรฏฺเ ^๔- วฑฺฒคาเม อญฺตรสฺส สตฺถวาหสฺส ปุตฺโต หุตฺวา นิพฺพตฺติ, อิสิทตฺโตติสฺส นามํ อโหสิ. โส วยปฺปตฺโต มจฺฉิกาสณฺเฑ จิตฺตสฺส คหปติโน อทิฏฺสหาโย หุตฺวา เตน พุทฺธคุเณ ลิขิตฺวา เปสิตสาสนํ ปฏิลภิตฺวา สาสเน สญฺชาตปฺปสาโท เถรสฺส มหากจฺจายนสฺส สนฺติเก ปพฺพชิตฺวา วิปสฺสนํ อารภิตฺวาน น จิรสฺเสว ฉฬภิญฺโ อโหสิ. เตน วุตฺตํ อปทาเน ^๕- :- @เชิงอรรถ: ^๑ ม. พิฬิพิฬิกา ปริสา ^๒ สี. กินฺเต กริสฺสตีติ ^๓ สี. วุตฺตวิปสฺสนาคนฺธวาสนปวเนน @^๔ สี. อวนฺติกรฏฺเ ^๕ ขุ.อป. ๓๓/๙๘/๑๔๘ อโมรผลิยตฺเถราปทาน (สฺยา)

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๓๖๘. http://84000.org/tipitaka/read/attha_page.php?book=32&page=368&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=8199&pagebreak=1 http://84000.org/tipitaka/atthapali/th_line.php?B=32&A=8199&pagebreak=1#p368