บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 32 : PALI ROMAN Thera.A.1 (paramatthadi.1) Page 368.
Yadiso therassa pamado, tam patikkhepavasena dassento "kim te bilibilika karissati"ti aha. Tattha bilibilikati vilivilikiriya, bilibiliti saddapavatti yatha niratthaka, evam bilibilikasadisa 1- janapannatti kim te karissati 2- kidisam attham tuyham sadheti, tasma janapannattim pahaya sadatthapasuto hohiti ovadam adasi. Tam sutva annehi vuttavisagandhavayanavacanena 3- samvegajato bahudeva rattim cankamena vitinamento vipassanam ussukkapetva senasanam pavisitva mancake nipannamattova arahattam papuni. Vajjiputtattheragathavannana nitthita. ------------ 257. 10. Isidattattheragathavannana pancakkhandha parinnatati ayasmato isidattattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto vipassissa bhagavato kale kulagehe nibbattitva vinnutam patto ekadivasam bhagavantam rathiyam gacchantam disva pasannamanaso madhuram amodaphalam adasi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade avantiratthe 4- vaddhagame annatarassa satthavahassa putto hutva nibbatti, isidattotissa namam ahosi. So vayappatto macchikasande cittassa gahapatino aditthasahayo hutva tena buddhagune likhitva pesitasasanam patilabhitva sasane sanjatappasado therassa mahakaccayanassa santike pabbajitva vipassanam arabhitvana na cirasseva chalabhinno ahosi. Tena vuttam apadane 5- :- @Footnote: 1 Ma. bilibilika parisa 2 Si. kinte karissatiti 3 Si. vuttavipassanagandhavasanapavanena @4 Si. avantikaratthe 5 khu.apa. 33/98/148 amoraphaliyattherapadana (sya)The Pali Atthakatha in Roman Character Volume 32 Page 368. http://84000.org/tipitaka/read/attha_page.php?book=32&page=368&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=8199&modeTY=2&pagebreak=1 http://84000.org/tipitaka/atthapali/rm_line.php?B=32&A=8199&modeTY=2&pagebreak=1#p368
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]