ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๓๒ ภาษาบาลี อักษรไทย เถร.อ.๑ (ปรมตฺถที.๑)

หน้าที่ ๔๘๙.

          "มิคลุทฺโท ปุเร อาสึ         วิปิเน วิจรํ อหํ
           อทฺทสํ วิรชํ พุทฺธํ           สพฺพธมฺมาน ปารคุํ.
           กุรญฺชิยผลํ คยฺห            พุทฺธเสฏฺสฺสทาสหํ
           ปุญฺกฺเขตฺตสฺส ธีรสฺส ๑-     ปสนฺโน เสหิ ปาณิภิ.
           เอกตึเส อิโต กปฺเป        ยํ ผลํ อททึ ตทา
           ทุคฺคตึ นาภิชานามิ          ผลทานสฺสิทํ ผลํ.
           กิเลสา ฌาปิตา มยฺหํ ฯเปฯ   กตํ พุทฺธสฺส สาสนนฺ"ติ.
      อรหตฺตํ ปน ปตฺวา "สตฺถารา วุตฺตํ, อตฺตนา วุตฺตนฺ"ติ อุภยํ หิ คาถํ
"หตฺถิกฺขนฺธาวปติตนฺ"ติอาทินา ปจฺจุทาหาสิ. เตน อิทเมว อญฺาพฺยากรณํ
อโหสีติ.
                 โสณโปฏิริยปุตฺตตฺเถรคาถาวณฺณนา นิฏฺิตา.
                        -----------------
                    ๒๘๕. ๘. นิสภตฺเถรคาถาวณฺณนา
      ปญฺจ กามคุเณ หิตฺวาติ อายสฺมโต นิสภตฺเถรสฺส คาถา. กา อุปฺปตฺติ?
      อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว ปุญฺานิ อุปจินนฺโต
วิปสฺสิสฺส ภควโต กาเล กุลเคเห นิพฺพตฺติตฺวา วิญฺุตํ ปตฺโต เอกทิวสํ สตฺถารํ
ปิณฺฑาย จรนฺตํ ทิสฺวา ปสนฺนจิตฺโต กปิฏฺผลมทาสิ. โส เตน ปุญฺกมฺเมน สุคตีสุเยว
สํสรนฺโต อิมสฺมึ พุทฺธุปฺปาเท โกลิยชนปเท กุลเคเห นิพฺพตฺติตฺวา นิสโภติ
ลทฺธนาโม วยปฺปตฺโต สากิยโกลิยานํ สงฺคาเม พุทฺธานุภาวํ ทิสฺวา ปฏิลทฺธสทฺโธ
ปพฺพชิตฺวา ตทเหว อรหตฺตํ ปาปุณิ. เตน วุตฺตํ อปทาเน ๒- :-
@เชิงอรรถ:  สี. วีรสฺส, ฉ.ม. ตาทิโน    ขุ.อป. ๓๓/๑๐๒/๑๕๓ กปิฏฺผลทายกตฺเถราปทาน (สฺยา)



เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๔๘๙. http://84000.org/tipitaka/read/attha_page.php?book=32&page=489&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=10945&pagebreak=1 http://84000.org/tipitaka/atthapali/th_line.php?B=32&A=10945&pagebreak=1#p489


จบการแสดงผล หน้าที่ ๔๘๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]