บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 32 : PALI ROMAN Thera.A.1 (paramatthadi.1) Page 493.
Tattha ambapallavasankasam, amse katvana civaranti ambapallavakaram pavalavannam 1- civaram khandhe karitva uttarasangam karitva. Gamanti attano rajadhanim hatthikkhandhe nisinno pindaya pavisim, pavitthamattova mahajanena olokiyamano hatthikkhandhato oruyha thito patibujjhim, pabuddhova 2- samvegam alabhim tada "mutthassati asampajano hutva niddayokkamanena etam jatan"ti. Apare pana "rajava hutva rattibhage evarupam supinam disva vibhataya rattiya hatthikkhandham aruyha nagaravithiyam caranto tam supinam saritva hatthikkhandhato oruyha samvegam labhitva satthu santike pabbajitva arahattam patva udanam udanento ima gatha abhasi"ti vadanti. Dittoti tasmim rajakale 3- jatimadabhogamadadiparidappito samano samvegamalabhinti yojana. Usabhattheragathavannana nitthita. ------------- 297. 10. Kappatakurattheragathavannana ayamiti kappatoti ayasmato kappatakurattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto vipassissa bhagavato kale kulagehe nibbattitva vinnutam patto ekadivasam bhagavantam vinataya nama nadiya tire annatarasmim rukkhamule nisinnam disva pasannamanaso ketakapupphehi pujam akasi. So tena punnakammena devamanussesu samsaranto imasmim buddhuppade savatthiyam duggatakule nibbattitva yava vayappatti, tava annam upayam ajananto kappatakhandanivasano saravahattho tattha tattha kuram 4- pariyesanto vicari, tena kappatakurotveva pannayittha. So vayappatto tinam vikkinitva jivitam 5- @Footnote: 1 Si. ambapallavakarapavalavannam 2 Si.,i. patibuddho ca @3 i. rajakule 4 i. kuram 5 cha.Ma. jivikamThe Pali Atthakatha in Roman Character Volume 32 Page 493. http://84000.org/tipitaka/read/attha_page.php?book=32&page=493&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=32&A=11031&modeTY=2&pagebreak=1 http://84000.org/tipitaka/atthapali/rm_line.php?B=32&A=11031&modeTY=2&pagebreak=1#p493
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]