อรรถกถาเล่มที่ ๓๒ หน้าที่ ๕๘๒.

สตสหสฺเส อิโต ^๑- กปฺเป ยํ ปุปฺผมภิปูชยึ ทุคฺคตึ นาภิชานามิ เทหปูชายิทํ ^๒- ผลํ. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. อรหตฺตํ ปน ปตฺวา อตฺตโน สหายสฺส ภิกฺขุสฺส โอวาทํ เทนฺโต:- [๒๖๔] "ปาปมิตฺเต วิวชฺเชตฺวา ภเชยฺยุตฺตมปุคฺคลํ ^๓- โอวาเท จสฺส ติฏฺเฐยฺย ปตฺเถนฺโต อจลํ สุขํ. [๒๖๕] ปริตฺตํ ทารุมารุยฺห ยถา สีเท มหณฺณเว เอวํ กุสีตมาคมฺม สาธุชีวีปิ สีทติ ตสฺมา ตํ ปริวชฺเชยฺย กุสีตํ หีนวีริยํ. [๒๖๖] ปวิวิตฺเตหิ อริเยหิ ปหิตตฺเตหิ ฌายิหิ ^๔- นิจฺจํ อารทฺธวีริเยหิ ปณฺฑิเตหิ สหาวเส"ติ ติสฺโส คาถา อภาสิ. ตตฺถ ปาปมิตฺเตติ อกลฺยาณมิตฺเต อสปฺปุริเส หีนวิริเย. วิวชฺเชตฺวาติ ตํ อภชนวเสน ทูรโต วชฺเชตฺวา. ภเชยฺยุตฺตมปุคฺคลนฺติ สปฺปุริสํ ปณฺฑิตํ กลฺยาณมิตฺตํ โอวาทานุสาสนีคหณวเสน เสเวยฺย. โอวาเท จสฺส ติฏฺเฐยฺยาติ อสฺส กลฺยาณ- มิตฺตสฺส โอวาเท อนุสิฏฺฐิยํ ยถานุสิฏฺฐํ ปฏิปชฺชนวเสน ติฏฺเฐยฺย. ปตฺเถนฺโตติ อากงฺขนฺโต. อจลํ สุขนฺติ นิพฺพานสุขํ ผลสุขญฺจ. ตมฺปิ หิ อกุปฺปภาวโต "อจลนฺ"ติ วุจฺจติ. เสสํ วุตฺตตฺถเมว. วิมลตฺเถรคาถาวณฺณนา นิฏฺฐิตา. ติกนิปาตวณฺณนา นิฏฺฐิตา. ปฐโม ภาโค นิฏฺฐิโต.

เนื้อความอรรถกถาฉบับภาษาบาลี อักษรไทย เล่มที่ ๓๒ หน้าที่ ๕๘๒. http://84000.org/tipitaka/read/attha_page.php?book=32&page=582&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=32&A=13060&modeTY=2&pagebreak=1 http://84000.org/tipitaka/atthapali/th_line.php?B=32&A=13060&modeTY=2&pagebreak=1#p582