บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 33 : PALI ROMAN Thera.A.2 (paramatthadi.2) Page 129.
Satthara vuttam kakacupamam ovadam avajjehi. 1- Uppajje ce rase tanhati sace te madhuradibhede rase tanha abhilaso uppajjeyya, tassa vupasamaya:- "puttamamsam jayampatika yatha kantaranittharanatthameva khadimsu, na rasatanhaya, evam kulaputtopi pabbajito pindapatam patisevati .pe. Phasuviharo ca"ti 2- evam vuttam puttamamsupamovadam sara anussara. Sace dhavati te cittanti ayoniso manasi karoto tava cittam kamesu panca- kamagunesu chandaragavasena, kamabhavadisu bhavesu bhavapatthanavasena sace dhavati sarati javati. Khippam nigganha satiya, kitthadam viya duppasunti tatha dhavitum adento yatha nama puriso kitthadam sassakhadakam duppasum dutthagonam yottena thambhe bandhitva attano vase vatteti, evam satiya satiyottena samadhithambhe bandhanto khippam sighameva nigganha, yatha kilesavigamena nibbisevanam hoti, tatha damehiti. Keci pana "thero puthujjanova hutva akkosam adhivasento tesam manussanam ariyagune pakasento dhammam kathetva paccha dvihi gathahi attanam ovadanto vipassanam vaddhetva arahattam patva annam byakaronto imayeva gatha abhasi"ti vadanti. Brahmadattattheragathavannana nitthita. ---------------------- 459. 13. Sirimandattheragathavannana channamativassatitiadika ayasmato sirimandattherassa gatha. Ka uppatti? ayampi purimabuddhesu katadhikaro tattha tattha bhave punnani upacinitva imasmim buddhuppade sumsumaragire 3- brahmanakule nibbattitva sirimandoti laddhanamo @Footnote: 1 Si.,i. avajjeyyasi 2 sam.ni. 16/63/95 puttamamsasutta: atthato samanam @3 cha.Ma. samsumaragireThe Pali Atthakatha in Roman Character Volume 33 Page 129. http://84000.org/tipitaka/read/attha_page.php?book=33&page=129&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=33&A=2943&modeTY=2&pagebreak=1 http://84000.org/tipitaka/atthapali/rm_line.php?B=33&A=2943&modeTY=2&pagebreak=1#p129
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]