romanATTHA book 33 Page 505.

Na civareti gathaya "thapayitva mahamunin"ti vuttamevattham pakatataram karoti, civaradisu tanhaya anupalepo dhutangaphalam. Tattha na civare sampatte tanhalepenati yojana. Sayaneti senasane. Gotamoti bhagavantam gottena kitteti. Anappameyyoti pamarakarakilesabhavato aparimanagunataya ca anappameyyo. Mulalapuppham vimalamva ambunati yatha nimmalam virajam nalinam ^1- udakena na lippati, evam gotamo bhagava tanhalepadina na lippatiti attho. Nekkhammaninno abhinikkhammaninno tato eva tibhavabhinissato bhavattayato vinissato visamyutto. Yesam satipatthanagivadinam bhavanaparipuriya yattha katthaci anupalitto nekkhamma- ninnova ahosi, te angabhute dassento "satipatthanagivo"ti osanagathamaha. Tattha gunarasito uttamangabhutaya pannaya adhitthanabhavato satipatthanam giva etassati satipatthanagivo, anavajjadhammanam adane saddha hattho etassati saddhahattho. Gunasarirassa uttamangabhavato panna sisam etassati pannasiso. Mahasamudagamanataya mahavisayataya mahanubhavataya mahabalataya ca mahantam sabbannutasankhatam nanam etassa atthiti mahanani. Sada sabbakalam nibbuto sitibhuto carati. "susamahito .pe. Nago"ti ^2- suttapadancettha nidassetabbam. Yam panettha atthato avibhattam, tam hettha vuttanayameva. Mahakassapattheragathavannana nitthita. Paramatthadipaniya theragathasamvannanaya cattalisanipatassa atthavannana nitthita. ------------------- @Footnote: ¹ Si. yatha niluppalam virajam ² an. chakka. 22/314/387 nagasutta (sya)

The Pali Atthakatha in Roman Character Volume 33 Page 505. http://84000.org/tipitaka/read/attha_page.php?book=33&page=505&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=33&A=11673&modeTY=2&pagebreak=1 http://84000.org/tipitaka/atthapali/rm_line.php?B=33&A=11673&modeTY=2&pagebreak=1#p505